Үндсэн хуулийн цэцийн дүгнэлтээс шалтгаалан Сонгуулийн тухай хуульд өөрчлөлт оруулсан. Ингэснээр УИХ-ын сонгуулийг 76 жижиг тойргоор буюу мажоритор системээр явуулахаар болоод байгаа.

Сонгуулийн ерөнхий хорооноос үүнтэй холбоотойгоор УИХ-ын сонгуулийн тойрог байгуулах, тойргийн мандатын тоо, дугаар, нутаг дэвсгэр, төвийг тогтоох тухай дараах тогтоолын төслийг өнөөдөр УИХ-д өргөн барьсан байна. Энэхүү асуудлыг өнөөдрийн Төрийн байгуулалтын байнгын хорооны хуралдаанаар хэлэлцэж маргааш УИХ чуулганд оруулах юм.