Д.ЖАВХЛАН

Монголын жүдо бө­хийн холбооны дэд ерөн­хийлөгч, "Бөх” сэт­гүүлийн ерөнхий эрхлэгч, гэрэл зурагчин Ч.Ганбат өчигдөр "Сочи-2014” нэртэй гэрэл зургийн 50 шилдэг бүтээлээ "Blue moon” галерейд дэлгэлээ. Эл үзэсгэлэн түүний хоёр дахь бие даасан үзэсгэлэн юм. Тэрээр хоёр жилийн өмнө Лондон-2014 зуны олимпийн наадмаас хийсэн гэрэл зургийн сурвалжлагаараа "Үл мартагдах агшин” хэмээх үзэсгэлэнгээ Уран зургийн галерейд  дэлгэж байсан нь олны талархлыг хүлээж байв. Түүнчлэн Ч.Ганбат өвлийн олимпийн 22 дугаар наадамд эх орноо төлөөлөн албан ёсны эрхтэйгээр сурвалжилсан Монголын анхны гэрэл зурагчин юм. Тэрээр хойд хөршийн Сочи хот­ноо 22 хоногийн турш ажиллахдаа спортын баярт мөчүүдийг камерын дурандаа буул­га­санаа ийнхүү олон нийттэй хуваалцаж буй. Үзэсгэ­лэнгийн нээлтэд Мон­голын цанын хол­бооны ерөнхийлөгч Р.Раш, тэшүүрийн хол­бооны ерөнхийлөгч Ц.Даваасүрэн болон бусад албаны хүмүүс ирж сонирхов. Тус үзэсгэлэн "Blue moоn” галерейн танхимд гурав хоног үргэлжлэх аж.