Хан-Уул дүүрэг дэх "Хүннү” хорооллын барилгаас 26 настай, эрэгтэй Т унаж амиа алдсан харамсалтай хэрэг гарлаа. Тэрээр "Хүннү” хорооллын барилгыг гүйцэтгэж байсан "Юми” компанийн ажилтан байжээ.
Осол өчигдөр 10:30 цагийн үед гарсан бөгөөд талийгаачийг таван
давхарт ажиллаж байх үед хамгаалалтын бэхэлгээ нь тасарсанаас доош унан
амиа алдсан талаар ар гэрийнхэн нь хэлж байна.
Түүнчлэн осол гарснаас хойш буюу 12:20 цагт тухайн газарт түргэн
тусламжийнхан ирсэн. Үүнд талийгаачийн ар гэрийнхэн ихэд гомдолтой
байгаа аж.
Харин осол болсны дараа гүйцэтгэгч "Юми” компанийн удирдлагууд
ажилчдадаа сэтгүүлчдэд мэдээлэл өгүүлэхгүйн тулд гадагш нь гаргахгүй,
хамгаалалтад байлгасаар том оврын автобусанд суулган авч явсан билээ.
Юутай ч талийгаачийн ар гэрийнхэн хүний амь хохирсон энэ хэрэгт "Юми”
ХХК-ийн холбогдох албан тушаалтнуудыг хуулийн дагуу хариуцлага хүлээх
ёстой гэж үзэж байгаа аж.
Р.Саруул
Эх сурвалж:
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих