Аймгийн Засаг дарга, Хүүхдийн Зөвлөлийн дарга М.Бадамсүрэн захирамж гарган сар бүрийн нэгний өдрийг хүүхдээ сонсох өдөр болгон энэ өдөр хүүхдүүдийнхээ үгийг сонсдог билээ.Өнөөдөр 7-р сарын нэгний өдөр улсын баяр наадам болох гэж байгаатай холбогдуулан хурдан морь унадаг хүүхдүүдийн үгийг сонслоо.Хүүхдээ сонсох өдрийг зохион байгуулж хүүхүүдээ сонсдог болсоор 6 дахь уулзалт юм.Уулзалтанд Хүүхэд гэр бүлийн хөгжлийн хэлтэс, Хөдөлмөрийн хэлтэс, Мэргэжлийн хяналтын газар, Хэрлэн сумын уяачдын холбоо, эцэг эхчүүд оролцсон юм.Уралдаанч хүүхдүүд өөрсдийн талаар Засаг даргадаа илэн далангүй ярьж зарим тохиолдож буй хүндрэл бэрхшээлийнхээ талаар ч ярилцлаа.Хүүхдүүд уралдааны замд машин тэрэг их явдаг тоостой байдаг,  дээшээ татагддаг гарааны төхөөрөмж заримдаа нэг тал нь татагдахгүйгээс тээглэдэг, морь түрэгчид модоор хатгадаг загнадаг зэрэг асуудлууд гардаг талаар ярьж байлаа.Хүүхдүүдийн болон тэдний эцэг эх ,уяачдын санал болгосон анхаарах асуудлуудыг эрх хэмжээнийхээ хүрээнд шийдвэрлэж тодорхой арга хэмжээ авахыг ажил хариуцсан хүмүүст үүрэг чиглэл болголоо.

dornodmedee.mn