Хөлбөмбөг, дерби, хоёр заналт баг л гэнэ. Гэвч хүний амь насны асуудалтай тулгарах цагт энэ бүхэн үл үйлчилж, зүгээр л хүн чанар, сайхан сэтгэл хэрэгтэй гэдгийг Хойд Лондоны хоёр багийн фанатын энэ явдал харуулжээ. 

"Тоттенхэм”-ийн фанат Тим Рид маш хүнд өвдөж, бөөр шилжүүлэн суулгах ёстой болсон байна. Энэ хүнд үед түүний найз, "Арсенал”-ын фанат Дэнни нэг бөөрөө өгчээ.
"Миний төлөө, миний гэр бүлийн төлөө түүний хийсэн зүйлийг үгээр илэрхийлж хэлэмгүй эрхэм. Тэр надад хоёр дахь амьдралыг минь хайрлалаа. Тэр өөрийгөө аюулд оруулан байж надад тусаллаа. Огтхон ч эргэлзэлгүйгээр надад бөөрөө өгсөн. Чи бол жинхэнэ баатар. Бүгд үүнийг дуулж мэдэх ёстой. Хэдийгээр чи заваан их бууч ч гэсэн ийм найзтайгаараа би бахархаж байна” гэж Тим Рид өгүүлсэн байна. Энэ намар арваннэгдүгээр сарын 5-нд Хойд Лондоны дербитэй. Хоёр залуу хамтдаа тэрхүү тоглолтыг үзэх биз ээ.