Өнгөрсөн долдугаар сарын 18-нд хуралдаж, Их хурлаа арванхоёрдугаар сарын 5-нд хуралдуулахаар товлосон АН-ын ҮЗХ энэ сарын 5 буюу ирэх Баасан гаригт хуралдахаар болсон гэнэ.

ҮЗХ-ны энэ удаагийн хурлаар намын даргаа тодруулж, Их хурлаараа батламжлахаар шийджээ. Ардчилсан намын даргад одоогоор "Алтангадас”-аас Я.Санжмятавыг, "Шонхор”-оос С.Эрдэнийг, МҮДН-ээс Д.Эрдэнэбатыг, МоАН-аас Л.Болдыг нэр дэвшүүлэхээр болоод байгаа аж.

Тэднээс гадна тус намын даргад Э.Бат-Үүл, Р.Амаржаргал нар ч намынхаа дарга болохоор уухайлж буй юм байх. Харин АН-ыг УИХ-д дөнгөж бүлэг байгуулах хэмжээний суудалтай болгож унагасан фракцууд тэгээд энэ нэр бүхий хүмүүсээр намаа удирдуулахыг намынх нь гишүүд дэмжигчид дэмжих болов уу.