2014.04.23-ны өдөр Халхгол сумын Иргэдийн төлөөлөгчдийн хурал, Засаг даргын тамгын газар, Нөмрөгийн дархан цаазат газрын албан хаагчдын дунд ” Монгол орны хээрийн экологийн бүс нутгийн үнэлгээ ” гэсэн сэдвээр сургалт зохион байгуулагдлаа.

Уг сургалтаар Дэлхийн хэмжээнд онгон байгалиараа үлдсэн тал хээрийн бүс тэр дундаа Монгол улсад байгалийн нөлөөнд өртсөн буюу өртөгдөөгүй, хамгаалалттай буюу тусгай хамгаалалттай нөөц газрын талаар мэдээлэл хийгдлээ.

Халхгол сумын нутаг дэвсгэрт оршдог Нөмрөгийн болон Монгол дагуурын дархан цаазат газрын хэмжээг нэмэгдүүлэх, байгалийн нөөц, түүхийн дурсгалт газруудын хэмжээнд Буйр нуур, Ташгайн 5 нуур болон бусад газруудыг хамруулахаар санал авлаа.

5 сарын 1-нд хуралдах сумын ИТХ-ын ээлжит бус 5 дугаар хуралдаанд дээрх асуудлаар санал оруулж шийдүүлэх талаар Засаг даргын Тамгын газарт мэдэгдэв.

Эрүүл идэвхтэй амьдрал клуб байгуулахаар сургалт явагдаж байна.

2014.04.23-ны 10:00 цагаас Иргэний танхимын өрөөнд Архигүй Дорнодчууд уриан доор Эрүүл идэвхтэй амьдрал клуб байгуулахтай холбогдуулаад ард иргэдийн дунд архинаас татгалзах, итгэл, сэтгэл, тэмүүлэлтэй иргэдтэй сэтгэл санаагаа солилцон санал хүсэлтээ илэрхийлэх хэлэлцүүлэг зохион байгууллаа. Уг хэлэлцүүлэгт архины хамааралтай иргэд идэвхтэй оролцож Эрүүл идэвхтэй амьдрал клубт элсэн сургалтад суухаар боллоо.

Хэлэлцүүлэгт Хурлын ажлын албаны дарга Н.Ганбаатар. Цагдаагийн тасгийн дарга Б.Батбаяр, 1-р багийн Засаг дарга Г.Лувсанбадам, 3-р багийн дарга Д.Эрдэнэдэлгэр, Ахмадын хорооны дарга И.Нэлээбаатар нар оролцлоо.

2014.04.24-ны өдрөөс Архигүй Дорнодчууд уриан доор Эрүүл идэвхтэй амьдрал клубд хамрагдах иргэдийн сургалт сумын иргэний танхимд эхэлж архины хамааралтай болон архинаас татгалзах иргэд оролцож байна.

URL: http://www.choibalsan.mn/index.php?newsid=1868