Угийн эршүүд, ширүүн дориун зантай Б.Навчаад эрчүүд халдахаасаа ихэд эмээдэг гэдэг шүү. Хэлэх гэснээ шууд хэлчихдэг, хэтэрхий хатуу зантайд нь тэр биз дээ. Анхны нөхөр Уламбаяраасаа салсан тэрбээр өрх толгойлсон ээжийн амьдралаар амьдарч, ганц охиндоо хойд эцгийн гар, царай харуулахгүй гэсэн хатуу зарчимтай явсан.

Харин хэвлэлийн шар хуудаснаа түүнийг жирэмсэн болсон хэмээн гарч байсан удаатай. Үүнийг мэдсэн жүжигчин бүсгүй маань "Бичих юм аа олж ядах юм даа. Эцэг нь хэн бэ гэх юм. Хэн ч байсан яахав дээ ямар ч байсан хүний нөхрийг булааж, хүүхдийн нулимсаар амьдарсангүй” хэмээн ширүүхэн хариу барьсан. Тэгвэл тэрбээр өнгөрөгч сарын дундуур амаржиж бүл нэмжээ.