Дуурь бүжгийн эрдмийн театр 54 дэх улирлын юэлтээ Францын алдарт хөгжмийн зохиолч А.Аданын "Жизель” хайр дурлалын эмгэнэлт балетаар нээлтээ хийх гэж байна.

Францын алдарт хөгжмийн зохиолч А.Адан "Жизель” хайр дурлалын эмгэнэлт бүжгээ хуримлаж амжилгүй нас нөгчсөн охидын сүнсний тухай эрт урьдын домгоос сэдэвлэн бүтээсэн байна.

Энэхүү бүжгэн жүжгийг анх 1841 оны зургадугаар сарын 28-нд Жин Коралли, Юлис Перрот нарын дэглэлтээр Францын Парис хотноо "Гранд Опера” театрын тайзнаа амилуулж байсан бол 1884 оноос эхлэн балетмейстер Мариус Петипагийн дэгаэлтээр тавьсан байдагаж.Харин манай театрын тайзнаа 1979 оны арван-хоёрдугаар сарын 22-нд тавьж байсан түүхгэй. Тэртээ 41 жилийн өмнө монголчуудыг "Хунт нуур”-тай танилцуулсан Зууны манлай, Ардын бүжигчин Ю.Оюун "Жизель”-тэй мөн л анхлан танилцуулжээ.

37 дахь жилдээ ДБЭТ-ын тайзнаа амилж буй энэхүү балетийн анхны тоглолтыг Ардын жүжигчин, удирдаач, хөгжмийн зохиолч П.Хаянхярваа удирдаж, ДБЭТ-ын одоогийн ерөнхий удирдаач, Урлагийн гавьяат зүтгэлтэн Ж.Бүрэнбэх туслах удирдаачаар ажиллаж байсан юм. Хожим нь П.Хаянхярваа гуай "Томоохон бүтээл дохихсон гэх хүслээ ДБЭТ-ын уран сайхны удирдаач байхдаа биелүүлсэн. "Жизель” балетийг Монголд анх тавихад удирдсан. Амжилттай сүрхий нь юу юм, гэхдээ өөрийнхөө хэмжээнд хүссэндээ хүрсэн” хэмээн дурсчээ.

Энэ жилийн тоглолтын "Жизель”-д ДБЭТ-ын шцлооч Б.Саруул, Г.Батчимэг, Альбертэд О.Ганцоож, А.Эрдэнэболд бүжиглэнэ. Б.Саруулын хувьд Монголын балетийн түүхэн дэх хар, цагаан хунгийн дүрийг хоёуланг нь бүтээсэн дөрвөн бүсгүйн хамгийн "отгон” нь. Нөгөө гурав нь Зууны манлай бүжигчин, Ардын жүжигчин Ю.Оюун 1979 он. "Жизель" балет Ю.Оюун, гавьяат жүжигчин Х.Гэрэлчимэг, Ч.Ганчимэг нар юм.

36 жилийн турш нэг ч удаа өөрчлөлгүй тавьж ирсэн "Жизель” балетийг ДБЭТ-ын тэргүүн гоцдооч О.Ганцоож өнгөрсөн жил шинэчлэн тавьсан. Тодруулбал, тайз, хувцас, бүжиг дэтэлтийг шинэчилж, Жизельд Английн үндэсний балетын тэргүүн гоцлооч Лорета Самерскейлсийг урин авчирч тоглуулж байсан юм.

ҮНДЭСНИЙ ШУУДАН

URL: http://www.choibalsan.mn/index.php?newsid=19617