АНУ-н ерөнхийлөгчийн сонгуульд Ардчилсан намаас нэр дэвшигч Хиллари Клинтоныг дэмжиж дуучин Кейти Перри сонирхолтой, хөгжилтэй видео хийсэн байдаг. Чармай нүцгэн Кейти сонгуулийн санал хураах байранд гэнэтхэн хувцсаа тайлж, нүцгэлдэг хэсэг бий.

Тэрбээр ирээдүйн сайн сайхны төлөө Хиллари Клинтоныг дэмжиж, түүнд саналаа өгөх болно гэж хүмүүсийг уриалж байгаа.

Хиллариг дэмжиж буй олон алдартнууд байгаа боловч Кейтитэй хамт нүцгэлэх зоригтой нь хэд бол?

Нэгэн цаг үеийг байлдан дагуулж асан 58 настай дуучин Мадонна "Кейтитэй хамт Хиллари Клинтоны төлөө нүцгэлэхээр” санаа шулууджээ.

Мадонна инстаграм хуудсандаа нүцгэн зургаа оруулж, Хиллариг дэмжсэн юм. " Би Кейтитэй хамт Хиллариг дэмжиж байна. Хиллари бол нэр дэвшигчдээс хамгийн шилдэг нь. Эмэгтэйчүүдийн эрх чөлөөний төлөө дэмжиж байна” хэмээжээ.

Ардчилсан намын нэр дэвшигч Хиллариг дэмжиж нүцгэлж буй Мадонна Бүгд Найрамдах намаас нэр дэвшигч Доналд Трамптай "дайсан” гэж хэлж болохуйц.

Тун саяхан Доналд Трамп Мадоннагийн дотны найз жүжигчин, нэвтрүүлэгч Рози О”Доннеллийг тарган гахай зэргээр доромжилсон төдийгүй өөрийгөө ихэд зөвтгөсөн байдаг. Үүний хариуд Мадонна Розитой хамтран тоглож байсан киноны зургийг тавиад, бүдүүлэг зан хэнийг ч амжилтанд хүргэж байгаагүй шүү хэмээн Доналд Трампт хандаж бичжээ.

hotnews.mn