Туркийн Истанбул хотод террористууд халдлага үйлдсэн талаар "www.dailymail.co.uk” мэдээллээ. Мотоциклтэй нэг этгээд Истанбулын Цагдаагийн газар руу тэсрэх бөмбөг шидээд хэргийн газраас зугтаажээ. Халдлагын улмаас 10 хүн бэртсэн аж.

 

Цагдаагийнхан гэмт этгээдийг эрэн сурвалжилж буй бөгөөд халдлага болсон бүс нутгийг хамгаалалтад авчээ. Халдлагын цаана курдууд эсвэл исламын улс бүлэглэл байгаа эсэхийг тогтоогоогүй байна.

 

Истанбул хотын олон нисэх буудалд өнгөрсөн зургаадугаар сард террористууд халдлага үйлдэж, 45 хүний аминд хүрсэн билээ. Халдлагыг Иракийн хэт даврагч "Халифын вант улс” бүлэглэл үйлдсэнээ мэдэгдсэн юм.

 

Б.Дэлгэрцэцэг 

---

URL: http://www.choibalsan.mn/index.php?newsid=19941