Орос, Хятад, цэргийн эрх мэдэлтнүүдийн төлөөлөгчид хоёр улс пуужингийн эсрэг батлан хамгаалах хамтарсан дасгал сургуулилтыг гурван сарын турш хийх төлөвлөгөөтэй байгаа гэж мэдээлсэн. Энэ мэдээллийг Сири улсад явуулах ажиллагаагаа Турк улстай уялдуулан зохицуулах, хоёр улсын урьдын найрсаг харилцааг сэргээх, түүнчлэн хийн "Туркийн урсгал" хоолойн барилгын ажлыг сэргээх тухай Оросын талаас мэдэгдэх үеэр хийсэн гэж Daily Express бичжээ.

Өнгөрсөн долоо хоногт Бээжинд Хятад, Оросын аюулгүй байдлын форумын ирэх жилийн хуваарьт "АНУ-ын Өмнөд Солонгост байрлуулж буй пуужингийн довтолгооноос эсэргүүцэн хамгаалах бамбай бий болгох оролдлогын хариу"-г барихаар шийдсэн байна. Өмнөд Солонгосын эрх баригчид Америкийн бамбай бол тус улсад Хойд Солонгосын зүгээс учруулж буй аюулд өгөх хариу юм гэж мэдэгдсэн билээ.

Харин Бээжин, Москвагийн хувьд энэ нь өөрсдөд нь "шууд аюул занал" учруулна гэж үзэж байгаа учир эсэргүүцэж байгаа юм.

Тиймээс Орос-Хятадын хамтарсан хэвлэлийн бага хурал дээр Хятадын хошууч генерал Кай хэлэхдээ: "АНУ-ын пуужингийн довтолгооноос хамгаалах систем нь БНХАУ, ОХУ-ын үндэсний ашиг сонирхол, Аюулгүй байдалд ноцтой аюул учруулж байна. Бээжин энэхүү ноцтой хор холбогдол бүхий шийдвэрээ эргэн харахыг АНУ болон Өмнөд Солонгост уриалж байна" гэжээ.

Оросыг цөмийн зэвсэг ашиглах вий гэдгээс барууныхан тэр дундаа АНУ хамгийн их болгоомжилж буйтай Өмнөд Солонгост пуужин эсэргүүцэх систем байрлуулж байгаа нь холбоотой гэдэг тун ойлгомжтой юм.

М.Баяр

---