Цас ихээр орж, нөхцөл хүндрэх магадлалтай зам, даваа гүвээний ойролцоох 19 цэгт шуурхай албаныхан ажиллаж байгаа талаар Зам тээвэр, хөгжлийн яамнаас мэдээллээ. Цас орж эхэлсэнтэй холбогдуулан энэ сарын 1-нээс зам, даваа гүвээнд шуурхай ажлын хэсэг ажиллуулж, эргүүл гаргаж эхэлжээ.

Цаашид ч цас нэмэгдэн орж, нөхцөл хүндрэх магадлалтай тул ирэх сарын 1-нээс эргүүлийн цэгийг нэмж 28 газарт байрлуулах юм байна.

Түүнчлэн улсын чанартай 32 чиглэлийн 12600 гаруй км авто зам, 278 гүүрийг ашиглалтын бэлэн байдалд шилжүүлэхээр ажиллаж байгаа ажээ.

---