БАКУ. /Yonhap/. Дэлхийн мэдээллийн агентлагууд ташаа бөгөөд нэг талыг барьсан мэдээ мэдээллийг "устгах”-ын тулд хамтран ажиллахаар тохиролцжээ.
Азербайжаны нийслэл Баку хотод энэ долоо хоногийн лхагва-пүрэв гарагт болсон Дэлхийн мэдээллийн агентлагуудын V их хуралд оролцсон 80 улсын 90 орчим мэдээллийн агентлагуудын төлөөлөгчид ийм зөвшилцөлд хүрсэн байна.
Уг их хурлын үеэр мэдээллийн агентлагуудын төлөөлөгчид дэлхийн хэвлэл мэдээллийн салбарт тулгамдаж буй асуудлуудыг авч хэлэлцжээ.
Мөн хэт давруу үзэл, зэвсэгт мөргөлдөөн болон эрхтэн дархтны дарангуйллын бай болохоос сэтгүүлчдийг хамгаалах нь чухал гэж төлөөлөгчид онцлон тэмдэглэсэн байна.
ЮНЕСКО-гийн мэдэгдсэнээр, өнгөрсөн 10 жилийн хугацаанд наад зах нь 827 сэтгүүлч ажил үүргээ гүйцэтгэж яваад амь үрэгджээ.
НҮБ-ын Ерөнхий нарийн бичгийн дарга Бан Ги Мүний илгээлтэнд "тенник технологийн хөгжил нь хэвлэлийн эрх чөлөөний нэгэн шинэ эрин үеийг эхлүүлсэн. Гэсэн хэдий ч сайны хажуугаар саар зүйл бас байна. Нийгмийн сүлжээнүүдээр хүмүүсийг өдөөн турхирсан, ташаа мэдээллүүд тархах боллоо” гэжээ.
Энэхүү их хурлыг гурван жил тутамд нэг удаа зохион байгуулдаг юм. "Мэдээллийн агентлагуудад тулгарч буй шинэ сорилтууд” сэдвийн хүрээнд энэ оны их хурлыг зохион байгууллаа.
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
.png)
Сэтгэгдэл бичих