"Маск"-ийн шинэ жүжигчин Г.Золзаяа шүүхээр шийтгүүлж, зургаан сарын тэнсэн харгалзах ял авсан нь батлагдлаа. Тодруулбал Г.Золзаяа нь найзуудынхаа хамт шөнийн клубт наргиж яваад бусадтай маргалдан зодолдож, бусдад хүнд гэмтэл учруулсан нь үнэн бөгөөд Сүхбаатар дүүрэгт шалгагдан, шүүхээс тэнсэн авчээ. Харин тэрбээр эцсээ хүртэл гүрийхээр шийдсэн бололтой, хэдхэн хоногийн өмнө цахим хуудсаараа дамжуулан "Ийм худлаа мэдээлэл тарааж байгаа хүн болиосой” гэж бичсэн байсан юм. Харамсалтай нь энэ бүхэн үнэн болох нь батлагдаж, ялтан Г.Золзаяагийн шүүхийн тогтоол дэлгэгдлээ.