Монголын бүх ард түмний спортын 14-р их наадам зохион байгуулах тухай  Монгол улсын Засгийн газрын 2015 оны 467 дугаар тогтоолын дагуу аймгийн хэмжээнд спортын 8 төрлөөр зохион байгуулж 872 хүнийг хамруулжаа. Тус тэмцээнд нийт  22 байгууллага, аж ахуй нэгж өрсөлдсөн бөгөөд  аймгийн Засаг дарга М.Бадамсүрэн өнөөдөр тэмцээнд амжилттай оролцсон байгууллага, баг тамирчдад шагналыг гардуулан өглөө.

1-р байранд Ж.Болормаа захиралтай 5-р сургууль,

2-р байранд О.Янжмаа захиралтай Дорнод их сургууль,

3-р байранд Б.Батсүх захиралтай 1-р сургууль тус тус байр эзэлсэн.

Тус тэмцээнд нийлбэр дүнгээр байр эзэлсэн баг тамирчдад аймгийн Засаг даргын хөгжлийн сангаас 2 сая төгрөгний мөнгөн урамшуулал олголоо.

Мөн Дорнод аймгийн шигшээ багийн тамирчид Улаанбаатар хотноо зохион байгуулагдсан Монголын бүх ард түмний спортын 14-р их наадмын шигшээ тэмцээнүүдэд дараах амжилтыг үзүүллээ.

-       Л.Наранбаатар дасгалжуулагчтай Дорнод аймгийн хөлбөмбөгийн  баг тамирчид мөнгөн медаль,

-       Т.Эрдэнэбаяр дасгалжуулагчтай боксын эмэгтэй баг тамирчид алтан медаль,

-       Пара жудо бөхийн төрөлд Н.Ундрал  мөнгөн медаль,  Д.Эрдэнэбаяр, Ү.Гэрэлмаа нар тус тус хүрэл медаль

-       Г.Хүрэлбаатар, Г.Сүхбаатар дасгалжуулагтай хөнгөн атлетикийн тамирчин Б.Туулцэцэг уртын харайлтад мөнгөн медаль,  3-н харайлтанд хүрэл медаль, Ренчинхүү 3-н харайлтад хүрэл медаль тус тус хүртэж Ренчинхүү дэд мастер болзол хангасан байна.

---