Хэнтий аймгийн "Хан-Хэнтийн” гар урчууд ХХК-ийн санаачилсан Монголын уламжлалт гар урлал болох зээг оёдлоор 108 метрийн урттай эсгийнд "Монголын нууц товчоо”-г мөнхлөхөөр урлаж эхэлсэн зээг эсгий урлал төгсгөлийн бүлгээ урлах үйл ажиллагааг явагдаж байна.   "Монголын Нууц Товчоо” түүхэн бүтээлийг зээгт ширмэл оёдлоор урлан Геннисийн дээд амжилтад бүртгүүлэх их ажил бүх аймгаар тойрч учиг шингээж байгаа билээ.

 

Тус үйл ажиллагааг зохион байгуулж буй санаачлагчид Дорнод аймагт хү
рэлцэн ирж, аймгийн удирдлагуудтай уулзаж хийж хэрэгжүүлж буй ажлынхаа талаар танилцууллаа. Танилцуулах үйл ажиллагаанд Дорнод аймгийн Засаг даргын орлогч Ч.Ганбат, аймгийн, Засаг даргын зөвлөх М.Бас-Эрдэнэ болон агентлаг, хэлтсийн удирдлагууд оролцлоо. ”Монголын Нууц Товчоо” зээгт ширмэл бүтээлд учиг шингээх үйл ажиллагаа 2017 оны 01 дүгээр сарын 09-ны өдрийн даваа гарагт Биеийн тамир спортын газарт 14 цагт болно. Тиймээс аймгийн иргэд, аж ахуйн нэгж, байгууллагуудыг энэ үйл ажиллагаанд идэвхтэй оролцохыг уриалж байна.

Уг бүтээл нь Чингис хааны амьдрал, ахуй, тухайн үеийн монгол түмний аж амьдрал, ёс заншлыг харуулсан. Бүтээлд монгол зураг, монгол үндэсний хээ угалзыг хослуулан хийж буйгаас гадна эртний буган чулуу, хадны сүг зураг оруулж байгаа бөгөөд өндөр нь 1,8м метр, урт нь 100 метр эсгий ширмэл аравчыг урлаж, Геннис-т бүртгүүлж, улмаар монгол ширмэлийг оёх, зээглэх арга ухааныг уламжлуулан, нийтийн хүртээл болгохыг зорьж байгаа юм.

 

---