Удирдах ажилтаны ээлжит шуурхай хуралдаан боллоо. Энэ удаагийн шуурхай хуралдааны эхэнд уламжлал ёсоор өнгөрсөн долоо хоногт болсон үйл ажиллагаануудын талаар болон ирэх долоо хоногт хийглэх ажлуудын талаар ОНХА-аас мэдээлэл хийснээр эхэлсэн юм. Өнгөрсөн долоо хоногт аймгийн Засаг дарга ОХУ-н Чита хотод албан айлчлал хийсэн болон  Хэрлэн суманд замын тэмдэг тэмдэглэгээг тоолж бүртгэлжүүлсэн, уралдаанч хүүхдийн аюулгүй байдлын зөвөлгөөн болсон зэрэг үйл ажиллагаанууд явагдсан бол ирэх долоо хоногт Халхголын дайны 75-н жилийн ойн хүрээнд Ялалтын баярын арга хэмжээнүүд болох юм.

Удирдах ажилтаны шуурхай хуралдаанд Худалдан авах ажиллагааны албанаас өнгөрсөн долоо хоногт нэгдсэн болон энэ долоо хоногт нээгдэх төсөл хөтөлбөрүүдийн талаар мэдээлэл хийсэн юм. Улс болон орон нутгийн төсвийн хөрөнгө оруулалтаар Дорнод Политехникийн коллежийн барилгын дээврийн засвар, Ялалт музейн барилгын засвар, Сумын төвийн шинэчлэл зэрэг 9-н төсөл арга хэмжээний үнэлгээ хийгдэж байгаа бол энэ долоо хоногт Хэрлэн сумын 5-р сургуулийн барилгын их засвар, Халхгол сумын Соёлын төвийн барилгын засварын ажил зэрэг 9-н төсөл хөтөлбөрийн худалдан авах ажиллагаа нээгдэх юм. Мөн Байгаль орчны газраас мод тарих ажлын хүрээнд 5-р сарын 9-10 өдрүүдэд мод тарих ажлыг аймгийн хэмжээнд зохион байгуулах талаар мэдээллийг өгсөн юм. Энэ ажлын хүрээнд одоогоор модны нүх ухах,усалгаа хийх,суулгац худалдаалах,сургалт зохион байгуулах гэсэн бэлтгэл ажлуудыг хийж байгаа юм байна.

Энэ долоо хоногт Хүүхэд гэр бүлийн хөгжлийн хэлтсээс Засаг даргын ивээл дор Гэр бүлийн үнэ цэнэ чуулга уулзалтыг зохион байгуулах юм. Чуулганы хүрээнд гэр бүлийн сэдвээр эрдэмтэн докторууд яриа хийж, мөн хотын төв цэгт мод тарих ажлыг хийх юм. Хуралдааны төгсгөлд аймгийн удирдлагын зүгээс ногоон байгууламжийг нэмэгдүүлэх ажил хийгдэж эхлэж байгаа энэ үед хотын төвд байгаа мал бүхий иргэдийн хотоос гаргах асуудлыг дахин судлахыг холбогдох ажил хариуцсан хүмүүст нь даалгаснаар хуралдаан өндөрлөсөн юм.