Ялалтын дурсгалын хөшөө

           Энэ сүрлэг хөшөөг 1939онд хамгийн ширүүн тулалдан болсон хамар даваанд халхын голын ялалтын 45жилийн ойгоор 1984онд босгосон юм.Энэ хөшөөний өндөр нь 50метр өндөр гол баганын нүүрэн талд нь мөр зэрэгцэн зогссон Монгол Зөвлөлтийн хоёр цэрэг нөгөө талд нь үндэсний хувцастэй Монгол эмэгтэй дүрсийг урласан нь Монгол-Зөвлөлтийн найрамдал эх орон эхийн бэлэгдэл юм.Хөшөөний гол баганын 2талд байрлуулсан зэс цутгамал тугнууд дээр байлдаанд оролцсон морин болон явган цэрэг,танкчид,нисгэгчдийн дүр тэр үеийн байлдааны зэвсэг техникийг товойлгон дүрсэлсэн нь энд болсон тулалдааны ялалтын яруу алдрыг тод илэрхийлжээ.Энэ хөшөөг 54м өндөр ,33м өргөн дан аранжин зэсээр барьж байгуулжээ.  

 Зөвлөлтийн нисгэгчдийн хөшөө

            Чойбалсан хот дахь Бунхан толгойн оройд манай эх орныг харийн түрэмгийлэгчдээс хамгаалж ,алтан амиа алдсан Зөвлөлтийн алдарт нисгэгчдийн мөнхийн дурсгалд зориулж босгосон "1939 халхын гол " гэсэн бичигтэй хөшөөн дээр 100 гаруй эрэлхэг нисгэгчдийн овог нэрийг сийлжээ.
            Халхын голын дайны үед энэ Бунхан толгойн ард Зөвлөлтийн нисэх хүчний анги байрлаж байсан юм.Энэ ангиас ЗХУ-ын анхны хошой баатрууд Г.П.Кравченко,С.И.Грицевец, Я.В.Смушкевич,болон ЗХУ-ын баатар М.Ф.Бурмистров нарын олон алдар цуутан төрсөн юм.

 

Илдэн хөшөө

             Халхын голын Ялалт багийн төвд Халхголын ялалтын 30жилийн ойгоор Монгол зөвлөлтийн ард түмний бат найрамдлын бэлэг тэмдэг болгон босгосон илдэн хөшөө бий.Энэ хөшөөнд "Хамт атгасан тэмцлийн илд,мөнх бадарсан ялалтын сүлд, Монголын залуучуудын анхдугаар тойрон аялал чуулга уулзалтанд оролцогчдод Монгол –Зөвлөлтийн залуучууд 1969 оны 6-р сард " гэж бичжээ.

 Монголын ардын арми хилчин дайчдын хөшөө

          Халх голын ялалтын 40жилийн ойгоор 1979 онд босгосон бууны жад хэлбэртэй бөгөөд жадны бариулын талд нь олон сайхан дүрс товойлгон хийсэн гэрэлт хөшөө юм.Хөшөөний баруун талд 39 байлдагч ,41дарга нарын нэрийг дурсгалын хаалтан дээр боронзоор бичжээ.1981онд Жүгдэрдэмидийн Гүррагчаа сансарт нисэхдээ энэ хөшөөний дэргэдээс эх орныхоо газар шорооны дээжийг авчээ

 Ханан хөшөө

           Баян цагааны нуруун дахь Яковлевын хөшөөний дэргэд Монгол гэрийн ханын шийрийг дүрслэн барьсан энэ хөшөө байгаа газраас дотогш 1939онд Японы түрэмгийлэгчдийг алхуулахгүй бут цохисон түүхтэй.Энэ хөшөөг халхын голын байлдааны 30жилийн ойгоор 1969оны 8-р сард босгож 30-ын тоог ромбо тоогоор дүрсэлжээ.

 Ялалтын музей

             Халх гол сумын төвд 1984онд баригдсан 3давхар .1-р давхарт нь Халх голын түүхийн танхим ,104хүний суудалтай кино танхим 2-р давхарт дайны ажиллагааг харуулсан зургууд дайны үеийн зэр зэвсэг 1000гаруй үзмэр байрлуулжээ.3-р давхарт ялалт авчирсан баатруудын нэрийг мөнхжүүлж баатар эхийн босоо дүрийг хүндэтгэл болгон байрлуулсан танхимтай бөгөөд түүний тааз нь монгол гэрийн тооно хэлбэртэйгээр бартгджээ.Энд орсон зочид гийчид хүндэтгэл үзүүлж номхон зогсдог.Гадна талын талбайд Монгол,Зөвлөлтийн дайчдын хөрэглэж явсан машин техник ,зэр зэвсгийг үзмэр болгон тавьжээ.

 Ерэн баатрын хөшөө

URL: http://www.choibalsan.mn/index.php?newsid=2190