Аймгийнхаа дунд сургуульд шугам зургийн багш хийдэг байсан аав нь өдгөө хувиараа ажилладаг. Харин түүнийг их л балчир ахуйд ээж нь өөд болсон харамсалтай явдал тохиолджээ. Талийгаач ээж нь 1992 онд "Монголын сайхан бүсгүй” уралдаанд амжилттай оролцож байсан, сайхан эмэгтэй байсныг жүжигчин залуу дурсан ярьсан байдаг.
"Шинэ үе”-ийнхнийг авто осолд өртөхөд А.Энхжин бэртэл авч сар орчим эмчлүүлсэн юм. Мөн А.Энхжинг тус продакшны жүжигчин асан Т.Билгүүнтэй адилхан гэлцдэг.
Энэ талаар тэрээр "Чадварлаг жүжигчин, сайн ахыгаа алдсан намайг түүнтэй тэгж харьцуулах таатай байхгүй нь ойлгомжтой. Хүмүүсийн намайг харьцуулж, адилтгаж байгаа нь илт мэдрэгддэг байлаа. Миний байгаа байдал, биеийн хэлбэр, төрх, харц ахынхтай их төстэй. Заримдаа хоолой ч төстэй сонсогддог. Тийм болохоор хүмүүст адилхан харагддаг байж магад. Ахынхаа ур чадварын энд хүрэх болоогүй ч би өсөж яваа жүжигчин. Ахынхаа хийж чадаагүй, хийхийг хүсэж байсныг нь гүйцээхийг хүсдэг” хэмээн "Өнөөдөр” сонинд өгсөн ярилцлагадаа өгүүлжээ.
У.Маргад
Эх сурвалж: Breakingnews.mn
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих