Чулуунхороот сумын Цагаанчулуут багийн Засаг дарга Н.Гантөмөрийн санаачлагаар багийн малчдаа уриалан хандивын аян өрнүүлж, өөрсдийн нөөцөөр хуримтлуулсан сэтгэлийн бэлгийг манай сумын Номинт багийн иргэд малчдад хандивлахаар тээврийн цувааг татуулан хүрэлцэн ирэв. Багийн Засаг дарга Н.Гантөмөр Бичин жилийн өвлийг өнтэй давж Гал улаагчин Тахиа жилийг тарган тавлаг угтахыг билэгдэн хандивын бэлгийг сумын ИТХ-ын дарга Д.Тэгшээ, Засаг дарга Ж.Ёндонжамц, Номинт багийн Засаг дарга Г.Ганцогт нарт гардуулав. 

Сумын Засаг даргын орлогч П.Гантулга, багийн ИНХ-ын дарга Л.Цэцэгээ, багийн малчдын төлөөлөл хандив /10 машин өвс, 3 машин байгалийн шүү, 100 кг гурил, 40 ш бээлий/-ыг хүргэж ирэв. Мөнгөн дүнгээр тооцоход өвс 1,1 сая, гурил 116,0 мянга, шатахуун 715000 мянга нийт 2 сая гаруй төгрөгийн зардал гаргажээ. 
 Н.Гантөмөр даргатай Цагаанчулуут багийн иргэддээ баярлалаа. Сайн санааны үзүүрт шар тос.

Дашбалбар сумын ИТХ-ын Ажлын албанаас мэдээллээ.

2017-01-20

---