Аймгийн Засаг даргын Тамгын газар, Соёл спорт аялал жуулчлалын газар, Улаан загалмайн хороо, аймгийн тэргүүний 6 дугаар цэцэрлэгтэй хамтран "УРАН ХӨДӨЛГӨӨНТ ГИМНАСТИК”-ийн тэмцээнийг цэцэрлэгийн 5-6 насны хүүхдүүдийн дунд зохион байгууллаа. "Зөв монгол хүүхэд” үндэсний хөтөлбөрийн хүрээнд хэрэгжиж буй "Авъяас” дэд хөтөлбөрийн хүрээнд хийгдсэн тэмцээнд тус сумын 10 цэцэрлэгийн 300-аад хүүхэд, багачууд авъяас чадвараа уралдуулав.

 

Хэрлэн сумын "Нийтийн биеийн тамирыг хөгжүүлэх” дэд хөтөлбөрийг хэрэгжүүлэх, сургуулийн өмнөх насны хүүхдийн авъяасыг нээн илрүүлэх, тэдний бие бялдрыг гимнастикийн дасгал хөдөлгөөнөөр хөгжүүлэх, "Спортлог Чойбалсан хотынхон" биеийн тамир спортын үйл ажиллагаанд татан оролцуулах зорилгоор зохион байгуулагдсан тэмцээний эхний байранд 6 дугаар цэцэрлэг, 2-р байранд 12 дугаар цэцэрлэг, 3-р байранд 2 дугаар цэцэрлэгийн хүүхэд багачууд шалгарлаа. Хэрлэн сумын Засаг даргын Тамгын газраас уг тэмцээний зохион байгуулахад 6 сая төгрөгийн дэмжлэг үзүүллээ.