Met Gala буюу албан ёсны нэршил нь "Costume Institute Gala” буюу "Met Ball” нэрээр олон нийтэд танил болсон уг ёслолын арга хэмжээ нь Metropolitan Museum of Art’s Costume Institute –музейн санхүүжилтанд зориулан жил бүр зохион байгуулагддаг хандивын үйл ажиллагаа юм.

Урлаг соёл, загварын ертөнцийн томоохон төлөөлөгчид, одод оролцдог улаан хивсэн дээгүүр алхсан "Met Gala” арга хэмжээний үеэр үл таних этгээд нүцгэн гүйж, олны анхаарлыг татжээ.

Энэхүү арга хэмжээг үймүүлсэн эр хүзүүндээ бүдүүн алтан гинж зүүж, урт хар оймс, нууц эрхтэнийг нь халхалсан төдий ягаан дотоож өмссөнөөс өөр зүйлгүй нүцгэн нэгэн байсан юм.

Дэлхийн одод цугларсан улаан хивсний өндөр зэрэглэлийн энэ ёслол мэдээж  хамгаалалт өндөртэй байсан. Иймээс "Met Gala” улаан хивсний ёслолыг тасалдуулах шахсан этгээдийг цагдаагийнхан саатуулжээ.  Энэ эр өмнө ч ийм хэрэг хийж байжээ. Тэрээр Нью Йоркийн загварын шоуны үеэр мөн нүцгэн гарч ирэн, арга хэмжээг тасалдуулахыг хичээж, олны гайхшируулаад авсан гэдэг.

Эх сурвалж: Шуурхай.мн