"ЗАМЫН ХӨДӨЛГӨӨНИЙ ЦАГААН ТОЛГОЙ 2017” ТЭМЦЭЭН БОЛЛОО

Халхгол сумын гэмт хэргээс урьдчилан сэргийлэх салбар зөвлөл, Цагдаагийн хэсэг, Хүүхдийн цэцэрлэгээс хамтран "Замын хөдөлгөөний цагаан толгой 2017” тэмцээн зохион байгуулав.

Тэмцээнд хүүхдийн цэцэрлэгийн 36 хүүхэд, 6 багш ДӨЛ,ХУРД,ХИЛЧИН гэсэн 3 багт оролцон замын хөдөлгөөний хуулийн хүүхдийн мэдвэл зохих мэдлэг дадлагыг хэрхэн эзэмшсэнээ харуулж авхаалж самбаагаа сорин Хурд баг тэргүүн байр, Дөл баг дэд байр, Хилчин баг гутгаар байранд шалгарлаа.

Тэмцээнд оролцсон тамирчид бүгд алт, мөнгө, хүрэл медаль зүүж  байгууллага аж ахуйн ах эгч нарын авч өгсөн бэлэг гардаж баяр хөөртөй явцгаалаа.

ИНХ-ЫН ДАРГА, ТЭРГҮҮЛЭГЧДЭД СУРГАЛТ ЗОХИОН БАЙГУУЛАВ

Цогтсүмбэр,Ялалт,Ташгай багуудын ИНХ-ын дарга,Тэргүүлэгчдэд сургалт зохион байгуулж ИНХ-ын дарга,Тэргүүлэгчдийн мэдэж байвал зохих хууль, дүрэм журмуудыг Засаг даргын Тамгын газрын холбогдох албан хаагчид, байцаагч, мэргэжилтэнүүдээр танилцуулж асуулт хариулт санал хүсэлтийг нь сонсон үүрэг чиглэл өглөө.

САРЫН АЯН ЗАРЛАВ

Тус сумын Засаг даргын Тамгын газраас "ХАЛХГОЛ СУМЫН ИРГЭДИЙН ХУУЛЬ ЭРХЗҮЙ, ХҮНИЙ ЭРХИЙН МЭДЛЭГ ОЙЛГОЛТЫГ НЭМЭГДҮҮЛЭХ” сарын аян болгон зарлаж "ЭРХ ЗҮЙН МЭДЭЭЛЛИЙГ ИРГЭН БҮРТ” уриатайгаар зохион байгуулж байна.

Сумын ИТХ-ын ажлын алба

Dornod.net