Аймгийн Орон нутгийн хөгжлийн сангийн хөрөнгөөр энэ жил хийгдэх зам засварын ажлууд болон төв замаас салаалсан туслах замуудыг өргөтгөх, зарим томоохон  уулзваруудыг шинэчлэн өргөтгөх өргөтгөх ажил хийгдэнэ. Энэ ажлын бэлтгэл ажлыг хангах хүрээнд  тухайн өргөтгөх болон шинэчлэх замуудынхаа нөхцөл байдалтай танилцлаа. Аймгийн Засаг даргын орлогч М.Бадамсүрэн болон АЗДТГ-н Хөгжлийн бодлогын хэлтсийн мэргэжилтэн, Нийтийн аж ахуй ХХК,Дулааны шугам сүлжээ, цахилгааны шугам сүлжээ, холбооны газрын инженерүүд, замын цагдаагийн байцаагч гээд холбогдох албаны ажил хариуцсан хүмүүс хамтран замыг хийхэд дэд бүтэц эвдрэх, мөн аливаа эрсдэл гарах үгүйг мэргэжлийн хүмүүстэй зөвлөлдсөн юм.

 

Ер нь зам тавьсан хойно дулаан цахилгааны шугам сүлжээний эвдрэл эрсдэл үүсч замаа эвдэх болдог тул түүнээс урьдчилан сэргийлж мэргэжлийн байгууллагуудын саналыг ийнхүү авч байгаа юм. Энэ жил орон сууцны 2,3,39,40,38,37,12,13,15,16,21,24-р байрнуудын төв замруу орсон 5-н туслах замууд, Читийн гудамжруу хойноосоо орж ирж байгаа уулзварыг өргөтгөх, Хойд урьд төв замаас Худалдааны гудамжруу орох уулзварыг шинэчлэн өргөтгөх, Аймгийн ЗДТГ-н зүүн урд уулзвар, Номын сангийн баруун талын замын урд, баруун урд талын уулзварууд гэсэн 4-н уулзварыг шинэчлэн өргөтгөх юм.