Шинэ он гарсаар педофиль буюу бага насны хүүхэдтэй бэлгийн харьцаанд орж таашаал авдаг гаж донтнуудтай холбоотой бас нэг гэхдээ хачирхалтай шуугиан Италид дэгдлээ.

Учир нь шүүхээс 60 настай, нийгмийн ажилтан Пьетро Ламберти болон түүний хамтран амьдрагч, ядуу гэр бүлээс гаралтай 11 настай охины харилцааг хууль ёсны хэмээн үзсэн байна. Үүнд Италийн ард түмэн ихэд цочирдож, ийм шийдвэр гарсанд итгэж өгөхгүй байгаа талаар "Life Site News” мэдээллээ.

Хөгшин өвгөн болон бяцхан охины амрагийн явдал бүр 2011 онд эхэлсэн бөгөөд тэр үед Ламберти ажил үүргийнхээ дагуу ирээдүйн хайртай "бүсгүйгээ” харж хандахаар болсон байжээ. Тухайн жилийн зун хосууд Ламбертийн хотын зах дахь байшинд "жаргаж” байгаад гардуулсан гэдэг. Дашрамд дурдахад Италид харилцан зөвшилцсөний үндсэн дээр бэлгийн харьцаанд орох нас 14 байдаг гэнэ. Гэхдээ бэлгийн хамтрагчдын нэг нь 16 нас хүрсэн байх шаардлагатай ажээ. Тиймээс охин хэдий "зөвшөөрсөн” ч 14 нас хүрээгүй байсан тул хижээл эр доод тал нь таван жилээр торны цаана суух ёстой болов. Гэхдээ Кассационы шүүхэс гэнэт шийдвэрээ эргэн харж, түүнийг цагаатгаагүй бол шүү дээ.

Шүүгчдийн баталснаар тэд Ламберти болон түүний нялх амрагийн хооронд болсон утасны ярианы хэдэн 10 цагийн бичлэгийг сонссоны эцэст 60 настай итали эр болон насанд хүрээгүй амрагийнх нь хооронд сэтгэлийн ямар нэгэн нандин холбоо байна хэмээн дүгнэжээ. Ламберти 11 настай амрагтайгаа бэлгийн харьцаанд орох үед жирэмсэн болчих вий гэдгээс үхтлээ айж байсан тул охиныг бүхий л аргаар ятгадаг байсан гэнэ. Гэвч хүсэл тачаалд жолоо байх биш. Пьетро Ламберти шүүх хуралд оролцож байхдаа царай нь чавга шиг улайж, энэ нууцыг тэд авсандаа чирээд орох ёстой байсан юм хэмээн мэдүүлжээ. Шүүхээс түүнд төлөвлөсөн ялыг хүчингүй болгож арай хөнгөн шийтгэл оногдуулахаар болжээ. Тэр нь чухам ямар шийтгэл болохыг зарлаагүй байна.
 

---