Дорнодын Оюутан Залуучуудын Нэгдсэн Холбооноос санаачлан зохион байгуулсан "Дорнодын хөгжилд миний хувь нэмэр” оюутны эрдэм шинжилгээний бага хурал 2017 оны 5 сарын 20-нд 10 цагт Хууль зүйн үндэсний хүрээлэнгийн 3 давхарын хурлын танхимд амжилттай зохион байгуулагдлаа. Тус хуралд Дорнод аймгийн харьяат Улаанбаатар хотод болон Дорнод аймгийн их дээд сургуульд суралцаж байгаа бакалаврын түвшний 22 оюутан судалгааны бүтээлээ хэлэлцүүллээ.

Мөн хурлыг Хүмүүнлэг, Хууль сахиулахын их сургууль, МУБИС-н доктор, профессорын 5-н хүний бүрэлдэхүүн шүүгчийн баг шалгаруулалтыг явууллаа.

Эрдэм шинжилгээний бага хуралд оролцогчдын тоо харьцангуй олон, мөн өрсөлдөөн ихтэй явагдсаныг шүүгчид болон зохион байгуулагчдын зүгээс онцолж байлаа. Мөн Улаанбаатар хотод зохион байгуулагдаж буй хуралд Дорнод аймгаас судалгааны ажлаа хэлэлцүүлэхээр судлаач оюутнууд хүрэлцэн ирсэн хурлын ач холбогдлыг улам нэмэгдүүлж байна.

Зохион байгуулагчдын зүгээс, энэхүү Эрдэм Шинжилгээний хурлын зохион байгуулахад дэмжлэг үзүүлж, хамтран ажилласан Дорнод нутгийнхан болон онцгойлон Хууль дотоод хэргийн дэд сайд Б.Энхбаяр, мөн Дорнод аймгийн засаг дарга М.Бадамсүрэн, Вип ньюс пи-ар групын захирал Б.Мөнхдөл, Чойбалсан.мн сайтын хамт олон нарт нийт зохион байгуулагч ДОЗНХолбооны салбар зөвлөл болон оролцогч судлаач оюутнуудынхаа нэрийн өмнөөс талархал илэрхийлье.

Мөн бидний үйл ажиллагааг дэмжиж хэвлэл мэдээллийн байгууллагууд хамтран ажиллаа.

Шагналт байр эзэлсэн судлаач оюутнууд

• Тэргүүн байр – АШУҮИСургуулийн 5-р курсын оюутан Б.Эрдэнэтуяа \Ходоодны хорт хавдрын үед XRCC1 генийн полиморфизмыг судалсан үр дүн \

• Дэд байр – Б.Түвшинтөгс \Дорнод аймгийн ахуйн хог хаягдлыг ашиглан био хий гаргаж авах боломж, судалгаа\

• Гутгаар байр – Э.Хэрлэнтуяа \Хөгжлийн бэрхшээлтэй иргэн түүний асран хамгаалагчид хамтарсан багийн үйлчилгээг турших нь\

• Тусгай байр – Г.Мөнх-Эрдэнэ \Авто угаалгын газруудын цэвэр усны хэрэглээний өнөөгийн байдал\

• Тусгай байр – А.Саранзул \Дорнод аймгийн шилжилтийн насны хүүхдүүдийг БЗДХ түүний эрсдлээс урьдчилан сэргийлэх нь\

• Ивээн тэтгэгч байгууллагын шагналаар Өнөртуяа, Ц.Анужин, Энхсолонго нар тус тус шагнагдлаа.

URL: http://www.choibalsan.mn/index.php?newsid=23842