Бүгд Найрамдах Чех улсын Праг хотын амьтны хүрээлэнгээс энэ сарын 20-нд дөрвөн тахийг Монголд нутагшуулжээ. Тэднийг Говийн Их Дархан Цаазат Газрын "Б” хэсэгт нутагшуулж байгаа аж.

Тахийн тээвэрлэлтийн ажилд Праг хотын амьтаны хүрээлэнгийн захирал Мерослав Бобек орлогч захирал Яраслов Симак, Олон улсын Тахь Группын хүндэт ерөнхийлөгч Томас Фпистерер нар оролцжээ.Одоогийн байдлаар Монгол Улсад 600 гаруй тахь байгаа юм. Түүнчлэн энэ оны эхний хагас жилд тахийн сүрэг 55 унагаар "бүл нэм ээд” байна.