Олон улсын олимпийн хорооны гүйцэтгэх зөвлөл 2018 оны өвлийн олимпийн наадамд ОХУ-ын баг тамирчдыг оролцуулахгүй гэсэн шийдвэр гаргалаа.

Сэргээштэй холбогдоогүй, цэвэр тамирчид нь Пьёнчаны наадамд оролцох эрхтэй ч Оросын төлөө өрсөлдөх боломжгүй, ОУОХ-ны далбаан дор олимпод оролцож болно гэж ОУОХ үзэв. Энэ шийдвэрийг өнөөдөр танилцуулав.

Мөн Оросын тамирчдын нэр холбогдсон допингийн дуулианд нэр холбогдсоор ирсэн ОХУ-ын Спортын сайд Виталий Мутког олимпийн хөдөлгөөнд оролцох эрхийг нь хасчээ.

Ийнхүү хэдхэн сарын дараа эхлэх өвлийн олимп Оросгүй, Оросын далбаа, төрийн дуулалгүй олимп болох нь тодорхой болов.