Канадын тэрбумтан, 75 настай Бэрри Шерман болон түүний 70 настай гэргийн цогцсыг Торотонгийн баячуудын дүүрэгт байрлах байшингийнх нь хонгилоос олсон талаар "The Globe and Mail" мэдээлснийг "АиФ" уламжлав. Хохирогчдын биед гадны нөлөө болон ямар нэгэн гэмтлийн ул мөр байсан эсэх талаар тодорхой мэдээлээгүй байна. Урьдчилсан мэдээгээр, энэ хэргийг цагдаагийнхан аллага гэж үзэхгүй байгаа аж.

Хосууд байшингаа долоон сая ам.доллараар зарахаар зар өгөөд байжээ. Гэвч нас барсан байдалтай олдсоных нь дараа тэдний зарыг зарлуулсан байгууллага нь татсан байна. Барри Шерман нь эмийн томоохон компани болох "Apotex"-ийг үүсгэн байгуулагч бөгөөд түүний хөрөнгө 3.65 тэрбум ам.доллараар үнэлэгджээ. Тэрбээр улсынхаа хамгийн баян 15 хүн нэг аж.

Э.ЭНХ-ЭРДЭН