17 дугаар жарны "Алтан унжлагат” хэмээх Гал "Тахиа” жилийн Дорнод аймгийн 9 алдартан тодорчээ. Тус аймгийн нийгэм, улс төр, мэдээллийн 7 хоног тутмын хэвлэл "Дорнод” сонин 11 дэх жилдээ уншигчдынхаа санал асуулгаар алдартнуудаа ийн тодруулж байгаа юм.  Нийтдээ 600 гаруй уншигч санал асуулгад оролцож, улиран буй онд улс, аймагтаа манлайлсан алдартнуудад хамгийн өндөр саналыг өгсөн байна.
Гал "Тахиа” жилийн Дорнод аймгийн 9 алдартнаар Монгол улсын Гавьяат механикжуулагч Д.Намсрайжамц, "Голомт” банкны Дорнод салбарын захирал Л.Нарангэрэл, "ДБЭХС” ТӨХК-ийн захирал Г.Отгонбаатар, Дорнод аймгийн Үйлдвэрчний эвлэлийн холбооны дарга Л.Цагаан, "Сүхжин” барилгын компанийг үүсгэн байгуулагч, аварга барилгачин Д.Эрдэнэбаатар, "Мянган сарнай” эмийн сангийн захирал Д.Энхцэцэг, Улсын тэргүүний фермер, аймгийн алдарт уяач Б.Бэххуяг, УЗН-ийн онцгой гишүүн, сайн үйлстэн Я.Мөнхзул, Дорнод аймгийн Баяндун сумын ЭМТ-ийн дарга, клиникийн профессор Б.Сэргэлэнбаатар нар шалгарчээ.
"Дорнод” сонины уншигчдын хүндлэлийг хүлээсэн 9 алдартанд тус сонины редакцаас болор шигтгээтэй, уйгаржин монгол бичиг бүхий өргөмжлөлийг гардуулдгаараа онцлог гэж хэлж болно.

URL: http://www.choibalsan.mn/index.php?newsid=26615