Энэ сарын 17-нд гэрээсээ гараад сураггүй алга болсон иргэнийг машинтайгаа шатаж нас барсан байхад нь олжээ. Улмаар онцгой байдлын албаныхан тухайн иргэний цогцсыг цагдаагийн байгууллагад хүлээлгэн өгсөн байна.

Тодруулбал Дорнод аймгийн Цагаан-Овоо сумын дөрөвдүгээр багийн харъяат иргэн 39 настай эрэгтэй Ө өнгөрсөн баасан бямба гаригт буюу шинийн хоёрны шөнө 02:00 цагт Баян-Уул сумаас Цагаан-Овоо сум руу "Верна” загварын суудлын автомашинтай яваад сураггүй болсон байна.

Тиймээс ар гэрийхэн нь онцгой байдлын албанд хандсан бөгөөд онцгойгийнхон талийгаачийн цогцосыг Баян-Уул сумын Бэрх багийн "Баруун-Ар булаг” гэдэг газар машинтайгаа шатсан байхад нь олжээ. Эл хэргийг одоо Дорнод аймгийн цагдаагийн хэлтэст шалгаж байна.

---