Салсан эхнэртээ хамгийн их мөнгө өгч үлдээсэн хүнээр Оросын тэрбумтан Дмитрий Евгеньевич Рыболовлев тодорлоо. Оросын тэрбумтан Дмитрий Рыболовлев эхнэртээ 2,7 тэрбум фунт стерлинг өгч байж салахаар боллоо. Дэлхийн хамгийн үнэтэй салалт. Өмнө нь Оросын тэрбумтан Абрамович таван хүүхдийн ээж Иринагаасаа салахдаа 300 сая доллар үлдээж байсан нь дэлхийн хамгийн үнэтэй салалт гэж тооцогддог. Араас нь 100 сая гаруй доллар салсан эхнэртэй үлдээсэн Холливудын эрчүүд жагсдаг. Харин эхнэртэй 2,7 фунт стерлинг үлдээсэн  Дмитрий Евгеньевич Рыболовлев яах аргагүй домог болох нь.
Дмитрий Евгеньевич Рыболовлев 1966 оны 11 дүгээр сарын 22-нд төрсөн. Ёстой л төрсөн өдөр шигээ тэгш сайхан амьдарч яваа хүн, Оросын нөлөө бүхий тэрбумтан. Одоо Монака улсад амьдардаг. Тэрээр "Форбес” сэтгүүлийн шалгаруулдаг 100 тэрбумтны 79 дүгээрт жагсаж байсан. 8,8 тэрбум доллартай гэж бичигдэж байсан. Харин саяхан 20 гаруй жил ханилсан эхнэр Еленадаа хөрөнгийнхөө талаас илүү буюу 4,5 тэрбум доллар тасалж үлдээгээд хоёр тийш болжээ. Дэлхийд ийм их хөрөнгө эхнэртэй үлдээсэн сайн эр түүхэнд гараагүй, ойрын хэдэн 10, бараг 100  жилд ч гарахгүй гэлцэнэ.

---