Дорнодын боловсролын салбарт ажиллаж буй үе үеийн багш, сурган хүмүүжүүлэгчид, багш хэмээх эрхэм сайхан мэргэжлийн эзэд өнөөдөр Дэлхийн багш нарын 24 дэх,  Монголын багш нарын 52 дахь жилийн баярын өдрөө тэмдэглэж байна. Баярын нээлтийн үйл ажиллагаанд аймгийн Иргэдийн Төлөөлөгчдийн Хурлын дарга Л.Хишигтогтох, аймгийн Засаг дарга М.Бадамсүрэн, Хэрлэн сумын Засаг даргын орлогч О.Пүрэв-Очир нар оролцлоо.

Мөн боловсролын үйлчилгээний чанар хүртээмж, сургалтын чанарыг дээшлүүлэх, цэцэрлэг, сургуулийг хөгжлийн орчин болгох чиглэлээр аймгийн боловсрол, соёлын салбар нь БСШУСЯ-ны үнэлгээгээр улсдаа шалгарч тэргүүлсэн амжилтыг үзүүлсэнд А.Нансалмаа даргатай аймгийн Боловсрол, соёл, урлагийн газрын хамт олондоо баяр хүргэж, ажлын амжилт хүсье.