Өнгөрсөн пүрэв гарагт үйл ажиллагаагаа албан ёсоор зогсоосон "Изинис Эйр­вейз” компани 1800 га­руй зорчигийн тасалбарын асуудлыг бүрэн шийдсэн байна. Тус компанийн нис­лэгийг сонгосон иргэ­дийн дийлэнх нь мөнгөө буцаан авсан бол 10 хүрэх­гүй зор­чигч гадаадад аялж буйтай холбоотойгоор бу­цаалт хий­гээгүй байгаа аж.

Мөн тус компани "Хүннү Эйр” компанийн Дорнод руу ирэх, буцах нэг нислэгийг авч 90 орчим зорчигчийн асуудлыг шийдсэн байна. Компанийн үйл ажил­лагааны хувьд, зуны нис­лэгийн захиалгын 30 гаруй хувийг аялал жуулч­лалын компаниуд бүрдүүлж байсан бол 40 орчим хувийг нь орон нутгаас захиалсан та­салбар бүрдүүлж байжээ.

Компани үйл ажиллагаагаа зогсоохоос өмнө дотоодын нислэгийн зах зээлийн 30 хувийг дангаараа бүрдүүлж байсан. Түүнчлэн тус авиа ком­панийн 225 ажилтны хө­дөлмөрийн гэрээг цуцлах болон цааш үргэлжлүүлэх асуудлыг энэ долоо хоногийн лхагва гарагт эцэслэн шийдвэрлэх товтой байна.

Компанийн үйл ажиллагаа болон бусад асуудлаар хө­рөнгө оруулагч "Ньюком” компани энэ долоо хоногт албан ёсны мэдээлэл өгөх хүлээлттэй байгаа юм.

Эх сурвалж:

URL: http://www.choibalsan.mn/index.php?newsid=2831