Эх орныхоо тусгаар тогтнол, эрх чөлөөгөө тунхаглан зарлаж, Монгол Улс анхдугаар Үндсэн хуулиа баталсны 93 жилийн ойн хүрээнд "Монгол улсын иргэний андгай өргөх ёслол”-ийн арга хэмжээг өнөөдөр буюу 11 дүгээр сарын 23-ны өдөр аймгийн ЗДТГ-ын хурлын танхимд зохион байгууллаа.

Уг арга хэмжээнд аймгийн Засаг даргын Тамгын газрын дарга П.Бат-Өлзий болон холбогдох хэлтэс, агентлагийн удирдлагууд оролцож, шинээр иргэний үнэмлэх авч буй сурагчдад мэндчилгээ дэвшүүллээ.

Түүнчлэн 16 нас хүрч, "Монгол улсын иргэний андгай өргөх ёслол”-ийн арга хэмжээнд оролцсон 18 сурагч тусгаар тогтносон Монгол улсын иргэний үнэмлэхээ аймгийн удирдлагуудаас ёслол төгөлдөр гардан авлаа.