Цагдаагийн байгууллагын үйл ажиллагааны журам "Соёл, соён гэгээрүүлэх ажил” /код 940/-ын дагуу цагдаагийн газрын тасаг албадын дунд ухлаг, спортын үйл ажиллагааг өрнүүлэх, хөгжүүлэх, алба хаагчдын чөлөөт цагийг зөв боловсон өнгөрүүлэх, тэдний урлаг спортын мэдлэг, ур чадварыг нэмэгдүүлэх, байгууллага алба хаагчдыг олон нийтэд сурталчилах, хамт олонч байдал, багаар ажиллах чадварыг сайжруулах зорилготой "Бид нэг гэр бүл” урлаг, спортын наадмыг 2018 оны 11 дүгээр сарын 17, 27-ны өдрүүдэд 2 үе шаттайгаар зохион байгууллаа. Урлагийн арга хэмжээ "Мэндчилгээ”, "Гоцлол дуу”, "Хамтлаг бүжиг”, "Ардын язгуур урлаг”, "Дуэт дуу” гэсэн 5 номинациар, спортын арга хэмжээг "Сагсан бөмбөг”, "Ширээний теннис” гэсэн 2 төрлөөр тус тус зохион байгуулагдсан бөгөөд урлагын наадмын шүүгчээр Аймгийн хөгжимт драмын театраас гавъяат жүжигчин н.Ганзориг, 1 дүгээр сургуулийн багш н.Сарангэрэл, Боловсрол соёлын газрын мэргэжилтэн н.Оюунбат нар ажиллаж, дүнг гаргасан байна.
"Мэндчилгээ”, "Ардын язгуур урлаг”ын төрлүүдэд Шуурхай удирдлагын тасаг, "Гоцлол дуу”, "Дуэт дуу”-ны төрлүүдэд Нийтийн хэв журам хамгаалах тасаг, "Хамтлаг бүжиг”-ийн төрөлд Замын цагдаагийн тасгийн алба хаагчид түрүүлж, өргөмжлөл, үнэ бүхий зүйлээр шагнуулсан бол нийлбэр дүнгээр Мөрдөн байцаах тасаг 1 дүгээр байр, Нийтийн хэв журам хамгаалах тасаг 2 дугаар байр, Чойбалсан хотын цэвэр усны эх үүсвэрийг хамгаалах тусгай салаа 3 дугаар байранд шалгарч, өргөмжлөл, мөнгөн шагналаар тус тус шагнуулсан байна.
URL: http://www.choibalsan.mn/index.php?newsid=28780
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих