Дорнод аймгийн Дашбалбар сум улсын тэргүүний сум болжээ. Энэ үеэр сумын төв хотын зочид гийчид нарын хөлд дарагдав. Н.Номтобаяр буриад дээлээр гангарч буриадын ард түмэнд хайртайгаа "батлав”. УИХ-ын гишүүний үүрэг хариуцлагаа одоо ч бүрэн ухамсарлаагүй тэрээр хотод байхдаа "гишүүнээс буулаа гээд миний иддэг хоол өмсдөг хувцас хорогдохгүй” хэмээн томордог ч Дорнодод очсон хойноо "дараа надад дахин итгэл үзүүлбэл…” гэх зэргээр зулгуйддаг.

 

Тэргүүний сумын баярт хаа холын М.Зоригт гишүүн бас л буриад дээл эгэлдрэглчихсэн  "тойргооо андуурч” иржээ. Бас нэгэн сонин эрхэм харагдсан нь гишүүн ч биш дарга ч биш Д.Одбаяр иржээ. Тэрээр Засаг дарга байхдаа ирээдүйд тэргүүний сум болох "үндэс суурийг” нь тавьсан бололтой. Хот орох, гадаад явах хоёроос бусдаар аймгаасаа гардаггүй Засаг дарга С.Ганбат, ИТХ-ын дарга Р.Зоригтбаатар хоёр ирж.

 

Хоёр даргыг баяр хөөж явахад аймаг нь тэмбүүндээ баригдах шахаж байна. Өнгөрсөн жил төрөлхийн тэмбүүтэй дөрвөн хүүхэд төрсөн бол он гараад 15000 мянган хүнд шинжилгээ хийхэд 700 нь энэ аюулт өвчнөөр халдварласан байсан нь илэрч. Гэтэл ИТХ-ын дарга Р.Зоригтбаатар нь тэмбүүтэй тэмцэхэд ердөө 20-хон сая төгрөгийг төсөвлөсөн бол Засаг дарга С.Ганбат нь саяхан 160 сая төгрөгөөр унаагаа юүлжээ.