Аймгийн Иргэдийн Төлөөлөгчдийн Хурлаас баталсан "Ахмадын ачлал” хөтөлбөр, аймгийн Засаг даргын 2018 оны А/55 дугаар захирамжийн хэрэгжилтийг хангах, ахмад настны нийгмийн халамж хамгааллыг сайжруулах, тэдний оролцоог дэмжих, санал санаачлагыг бодлого, үйл ажиллагаандаа тусган хэрэгжүүлэх зорилгоор сар бүрийн 21-ний өдөр "Ахмадаа сонсох өдөр”-ийн арга хэмжээг нэг жилийн хугацаанд нийт 12 удаа зохион байгуулжээ.

Энэхүү арга хэмжээний хүрээнд:

2 дугаар сард Хөнгөн, хүнсний салбарт ажиллаж байсан ахмадууд

3 дугаар сард Цэрэг хүчний  байгууллагын ахмадууд, ахмад дайчид

4 дүгээр сард Газар тариалангийн салбарт ажиллаж байсан ахмадууд

5 дугаар сард Алдарт эхийн одонтой, олон хүүхэд төрүүлж өсгөсөн ахмадууд

6 дугаар сард Хувиараа хөдөлмөр, аж ахуй эрхэлж байсан ахмадууд

7 дугаар сард Урлаг, соёл, спортын салбарт ажиллаж байсан ахмадууд

8 дугаар сард Эрүүл мэндийн салбарт ажиллаж байсан ахмадууд

9 дүгээр сард Боловсролын салбарт ажиллаж байсан ахмадууд

10 дугаар сард Уул уурхай, барилга, дэд бүтцийн салбарын ахмадууд болон худалдаа, үйлчилгээний салбарын ахмадууд

11 дүгээр сард Төрийн байгууллагад ажиллаж, удирдах ажил хашиж явсан ахмадууд

12 дугаар сард Мал аж ахуйн салбарын ахмадуудаа тус тус хүлээн авч уулзав.

Уг арга хэмжээний хүрээнд нийт 12 удаагийн уулзалтаар 268 ахмадыг сонсч, ахмадуудаас дэвшүүлсэн санал санаачлагыг бодлого үйл ажиллагаандаа тусгаж, санал, зөвлөмжүүдийг холбогдох байгууллагуудад хүргүүлж ажиллалаа.

Түүнчлэн Ахмадуудаас гаргасан 310 саналыг 11 бүлэг болгон багцалж, саналын мөрөөр Хөдөлмөр, халамжийн үйлчилгээний газар, Эрүүл мэндийн газар, Боловсрол, соёл урлагийн газар, Хүнс, хөдөө аж ахуйн газар, Цагдаагийн газартай хамтран 71 саналыг бодит ажил хэрэг болгон хэрэгжүүлж, 49 санал санаачлагыг төлөвлөгөөндөө тусган ажиллаж байна.

Ахмадуудын зүгээс хамгийн их саналаар гарч ирсэн асуудлуудыг  эрэмбэлвэл:

Ахмадын нийгмийн асуудал тэтгэвэр, тэтгэмж, ахмадын сувилал, ажлын байр, өдрийн үйлчилгээний чиглэлээр

Жижиг дунд үйлдвэрлэлийг хөгжүүлэх, худалдаа,  орон нутгийн бараа, бүтээгдэхүүнийг нэмэгдүүлэх чиглэлээр

Боловсрол, эрүүл мэнд, эмнэлгийн байгууллагын талаар

Хүүхэд, залуучуудын хүмүүжил төлөвшилийн чиглэлээр

Хот төлөвлөлт, хог хаягдалын талаар

Аялал жуулчлал, авто замыг сайжруулах талаар

Бараа бүтээгдэхүүний чанар, хүнсний аюулгүй байдал

Архи, тамхины хэрэглээнд тавих хяналтыг сайжруулах зэрэг асуудлуудын хүрээнд олонхи ахмадууд санал, хүсэлтээ илэрхийлжээ.