Өнгөрсөн оны дэлхийн онцлох үйл явдлын нэг нь хоёр Солонгосын  удирдлагуудын цуврал уулзалт байсан бөгөөд үүний үр дүнд  хоёр улсыг холбосон  төмөо зам болон авто замаа  холбох ёслолыг  хийсэн билээ. Энэ ёслолын ажиллагаанд  БНХАУ, ОХУ гэхчлэн гадаадын хэд хэдэн орны зочин төлөөлөгч оролцсоны дотор Монгол Улсын Гадаад харилцааны сайд Д.Цогтбаатар, ЗТХ-ийн  сайд Я.Содбаатар  нар байв.

2018 оны 12 дугаар сарын 26-нд болсон БНСУ, БНАСАУ-ыг холбосон авто болон төмөр замын хамтарсан төслийн нээлтийн ёслолын ажиллагаа БНАСАУ-ын Панмун буудалд  болсон.

Хоёр Солонгосын найрамдлын бэлэг тэмдэг болсон төмөр зам нээлтээ хийж БНСУ-ын 100 орчим иргэнийг тээвэрлэсэн есөн бүхээг бүхий галт тэрэг  өмнөдийн “Дорасан” буудлаас БНАСАУ-ын “Панмун” буудлыг зорин хоёр цагийн аялалдаа гарснаар  энэ есдүгээр сард зохион байгуулсан хоёр улсын удирдагчдын дээд хэмжээний уулзалтын үеэр 2018 ондоо багтаан төмөр болон авто замыг холбох нээлтийн арга хэмжээ биеллээ олсон юм.

Ийнхүү хоёр  Солонгос авто  болон төмөр замаа холбосоны ач холбогдол зөвхөн хоёр орны төдийгүй бүс нутгийн хэмжээнд чухал ач холбогдолтой  үйл явдал болж байгаа юм.

 Хойд болон Өмнөд Солонгосыг холбосон энэхүү төмөр зам цаашид дэлхийд хамгийн урт гэгддэг Транс Сибирийн төмөр замтай холбогдон, Европ хүрэх зорилготой байгаа юм.

Транс Сибирийн төмөр зам

 Тийм болохоор энэхүү төмөр зам монголчуудад ч гэсэн  шинэ боломж нээнэ гэж харах шалтгаан байгаа юм. Тухайлбал, монголчууд Сөүл хүртэл галт тэргээр зорчих, цаашилбал  манай эдийн засгийн хамгийн том амбиц болох коксжих нүүрс, төмрийн хүдэр болон бусад эрдэс баялгаа  далайн боомтуудад хүргэж гурав дахь зах зээл дээр гаргах сайхан боломж нээгдэнэ гэсэн  хүлээлт байна. 

БНСУ болон цаашилбал Япон болон арлын бусад орнуудад Монголын коксжих нүүрс  өөрийн гэсэн орон зай, эрэлт хэрэгцээгээ бий болгоход хоёр Солонгосыг холбосон төмөр зам ихээхэн дэм болох ирээдүй бий. Гэхдээ боломжийг хэрхэн ашиглаж чадах эсэх нь биднээс ихээхэн хамаарна.

М.Нэргүй

URL: http://www.choibalsan.mn/index.php?newsid=29250