Нөгөө Ш.Гүрбазар гуай шүлгэлдэг аавдаа эрхэлж алтан гадасны од аргамжааг буулгаж зээрийн шагай холбоё гэдэг шиг л үнийн зөрүүгээр туйлсан Монголбанкны ерөнхийлөгч Н.Золжаргалын "ногоон”-д нялуурсан хайр нь хэтэрч, эрх нь дэндлээ.

 

 

Доллар 2000 болно гэдэгт мөрий тавьсан нэгний хожил ойртож улстөр унтсан энэ өдрүүдэд  вальютийн ханш аажим чангарсаар  өнөөдрийн байдлаар долларын ханш 1790  төгрөгтэй тэнцээд байгаа.

 

Ханшийн өсөлтийг сайн муу гэлцгээж,  сайхан муухай олон явдал зэрэгцэх тухай  учир мэддэгүүд нь тайлбарладаг ч угтаа энэ нь ард иргэдийн нуруун дээр бөөн хар булуу нэмсэн явдал болдог.

 

Угаасаа манайх шиг хоолныхоо амтлагчийн хүртэл гаднаас оруулж ирж байгаа хэрэглэгч орны хувьд гадаад валютийн ханш өргөн хэрэглээний бараа бүтээгдэхүүний үнэд шууд нөлөөлөх нь ойлгомжтой. Долларын ханш өсөхөөр дэвтрийн үнэ өсдөг гэдгийг сургуулийн хүүхэд хүртэл төвөггүй тайлбарлах биз.

 

Гэтэл  үнийн зөрүүгээр туйлах гэсэн эрх мэдэлтэй нэгний зоргоороо ааш хэрээс хэтэрч байдлыг улам дордуулсаар, Ерөнхий сайдын  захидагаар өндөг, мах нь  ёстой л тансаг хэрэглээ болох дээрээ тулаад байна.

Эдийн засгийг чангаруулж, иргэдийг туйлдуулсан ноён ногооны хэсэгхэн зуурын галзуурал хэн нэгэндээ ашигтай ч хазааргүй тэнэсэн ханшийн өсөлтийг цааш нь яах бэ? Төв банкыг  ерөхийлөн мэдэж байгаа ноён Н. Золжаргалд өсөлтийг бууруулах өгөгдөл байгаа болов уу?

 

 

Азтай

Fact.mn