Apple Корпораци iPhone болон iPad-д зориулсан шинэ iOS8 гар утасны үйлдлийн системээ танилцууллаа. Жил бүр Apple компаний зохион байгуулдаг WWDC (World Wide Developer Conference)-ийн үеэр тус компаний гүйцэтгэх захирал Тим Кук дээрх үйлдлийн системийн боломжуудыг танилцуулсан юм.

Тус үйлдлийн системийн серверийн мэдэгдлийн хэсэг болох 'nofication' шинэчлэгджээ. Хэрэглэгч хэрэглэж буй програмаасаа гаралгүй, мэдэгдэлд хариулж болохоор болжээ.

iMessage дээр групп төрлийн чатыг блоклох боломж нээгджээ. Мөн шинэ микрофоны товчыг дарж яриагаа бичээд текст болгон илгээж болно.

Үйлдлийн системд HealthKit хэмээх шинэ апп бий болсон бөгөөд энэ нь таны эрүүл мэндийн талаарх мэдээллийг хадгалах боломжтой гэнэ.

Үүгээр зогсохгүй Family Sharing гэх шинэ цэсний тусламжтай гэр бүлийн гишүүд зургаа бие биедээ автоматаар илгээх боломжтой. Мөн гэр бүлийн гишүүдийнхээ байгаа байршлыг хянах боломжийг олгож байна.

Apple-ийн бусад шинэчлэлтүүд дотор Siri мэдээж багтсан. Энэ нь хөгжмийн уран бүтээл, дууг танидаг Shazam системтэй хамт ажиллах юм байна.

iOS 8 нь гэрэл зургийн өнгө, нягтрал болон бусад тохиргоог өөрчлөх шинэ боломжуудтай болж байгаа бөгөөд нэмэлтээр таны эзэмшдэг бүх Apple-ийн төхөөрөмж хоорондоо автоматаар холбогдоно. Жишээ нь, iPhone утсан дээр засвар хийсэн зураг iPad-ийн дэлгэцэн дээр яг адилхан харагдах аж.

Гэр ахуйн хэрэглээний бүтээгдэхүүнүүд хянах програм

Apple компани гэр ахуйн бүтээгдэхүүнийг хянах боломж олгодог HomeKit хэмээх бас нэг шинэ програм танилцуулсан. Тус програм Siri програмтай уялдсан байна. Тус програмын тусламжтайгаар хэрэглэгчид аюулгүй байдлын камераа удирдах, гараашын хаалгаа хаах, нээх, гэрэл асаах болон унтраах боломжтой.

Apple-ийн төлөөлөгчид тус програмыг "ухаалаг гэр" нэвтрүүлэх эхний алхам хэмээн нэрлэж байгаа ба энэ технологийг хөгжүүлэхэд ямар компанитай түнш болохоо одоогоор зарлаагүй юм.

Mac OS X-ын шинэ хувилбар 10.10 Yosemite

WWDC (World Wide Developer Conference) арга хэмжээний үеэр ширээний компьютерийн үйлдлийн систем OX 10.10 Yosemite-ийн шинэ хувилбарыг танилцуулсан байна. Үйлдлийн системийг Калифорни мужийн үндэсний паркийн нэрээр нэрлэжээ.

Тус үйлдлийн систем дизайны ялимгүй өөрчлөлт хийсэн байна. Илүү хавтгай загвартай болсон нь iOS 7 мобайл үйлдлийн системийг санагдуулна.

Дашрамд хэлэхэд AirDrop програм iOS үйлдлийн систем, Мac компьютерүүдэд ч ажилладаг болсон байна. Одоо хэрэглэгчид iPhone утсанд ирсэн дуудлагыг компьютерийн дэлгэцээс шууд хүлээн авч болно. Түүнчлэн "Газрын зураг", "Хуанли" програм ихээхэн шинэчлэгдсэн.

Yosemite дахь Safari вэб браузер нь илүү хурдан болсон гэнэ.

Мөн арга хэмжээний үеэр iOS болон OS X хөгжүүлэгчдэд зориулж шинэ програмчлалын хэл Swift-ийг танилцууллаа.

Мөн шуудангийн үйлчилгээнд өөрчлөлт хийн, MailDrop хэмээх функц нэмэгджээ. MailDrop-ийн тусламжтайгаар хэрэглэгчид их хэмжээний мэдээлэл, түүнчлэн томоохон видео файлууд илгээх боломжтой. Одоо бүх файлдаа iCloudDrive дээр хадгалан, iOS болон OS X үйлдлийн системээсээ хандаарай.