МУ-ын Засгийн газраас амжиргааны баталгаажих төвшингөөс доогуур орлоготой өрхөд хүнс тэжээлийн хөнгөлөлт буюу бидний хэлж заншсанаар "хүнсний талон"-д манай аймгаас 1436 өрх хамрагджээ. Эдгээр өрхийг амжиргааны түвшин тогтоох судалгаанд үндэслэн хамруулсан байна. Уг судалгааны талаар ард иргэд сэтгэл хангалуун бус байдаг. Яг тусламж хүрэх ёстой айл өрхүүдийг гаргаж ирж чадаагүй гэж иргэд шүүмжлэлтэй ханддаг. Энэ нь ч үнэний ортой. Ганц жишээ дурдахад миний мэдэх айлын хашаанд хоёр хүүхэдтэй, ажил төрөлгүй нэгэн амьдардаг ч тэднийх хамрагдаж чадаагүй. Тэгсэн атал хашааных нь эзнийх орчихсон явж байх жишээтэй.Судалгааны анкет нь анхнаасаа их учир дутагдалтай байсан нь иймэрхүү зөрчил гарахад нөлөөлсөн байх. Иргэдээс цуглуулсан мэдээллийн сангаас хамгийн бага үнэлгээтэй өрхөд хүнсний талон олгож байна. Урд жилүүдэд мянгат малчин айл хүртэл хүнсний талон авч байсан тохиолдол гарч л байсан. Харин энэ жил арай л гайгүй болов уу гэж найдахаас. Хүнсний талоныг дагаад хөнгөлөлтийн жагсаалтад орсон барааг нийлүүлэх дэлгүүрүүдийн асуудал хөндөгддөг. Хүнсний бүтээгдэхүүн нийлүүлэх дэлгүүрүүд нь бараагаа хангалттай татаагүй, өндөр үнэтэй гэсэн гомдол ч эхнээсээ гараад эхэлсэн.
Хэрлэн сумын хэмжээнд энэ жил 25 дэлгүүр талоны барааг олгоно. Харин бусад сумдад 1 дэлгүүр олгох юм байна. Уг талоноор дотоодод үйлдвэрлэсэн 10 нэр төрлийн хүнсний бүтээгдэхүүнийг олгох гэнэ. Үүнд, мах, сүү, сүүн бүтээгдэхүүн, гурил, гурилан бүтээгдэхүүн, цөцгийн тос, элсэн чихэр, төмс, хүнсний ногоо, будаа, ургамлын тос, өндөг, жимс, жимсгэнэ орно. Архи, согтууруулах ундаа, тамхи, ахуйн бараа худалдах, худалдан авахыг хоригложээ.
ДОРНОД
URL: http://www.choibalsan.mn/index.php?newsid=3087
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих