Түүнтэй ярилцаж байхдаа буруу сэтгэгдэл төрүүлэх зүйл хийгээд хэрэггүй. Бие биедээ хайртай хүмүүсийн дунд ямар ч нууц байх ёсгүй бөгөөд бие биенийгээ хэцүү үед нь түшиж явах нь л хамгийн чухал. Тиймээс үл ойлголцолыг хүсэхгүй байгаа бол хайртаасаа битгий юм нуу. Өөрийгөө зөв ойлгуулж, түүнийг ч гэсэн сонсож, ойлгох нь та 2-ыг удаан хугацаагаар хамт байхад туслах болно.

 

Та 2 ирээдүйд хамтдаа байхаар шийдсэн л бол бие биенийгээ цаг тутам уучилж, хорвоо дээр төгс хүн байдаггүй гэдгийг ойлгох ёстой. Хүн алдаж болно гэхдээ давтаж болохгүй гэдэг байх аа. Мөн адил уучлал уужуу сэтгэлгүйгээр хайр дурлал удаан үргэлжлэхгүй шүү дээ.

 

Ихэнхидээ залуус ажил, найз нөхдөөсөө болж их уурлаж, стресстэй явдаг. Хэрэв түүнийг ууртай байгааг мэдсэн бол юуны учрыг олохыг хичээгээрэй мөн, дэндүү ихээр асуудалд нь хушуу дүрэхгүй байхыг хүсье. Түүнийг тайвширтал түр зуур ганцааранг нь үлдээгээрэй. 

 

Одоогийн нийгэмд хүмүүс бид эелдэг зангаа гээхэд хүрээд байна. Хос 2-ын дунд эелдэг зан байх нь харилцааг дээшлүүлэх энгийн арга мөн. Яг одооноос бүсгүй та хайрттайгаа эелдэг зөөлөн харьцаад үзээрэй, ямар их зүйл өөрчлөгдөх бол оо?

 

Миний бодлоор хайр гэдэг үүрэг хариуцлага юм. Үүрэг хариуцлагаа сайн ухамсарласан хүнд хүн амархан итгэн найдаж чин сэтгэлээсээ ханддаг. 

 

Инээд хүний биед тустай гэдгийг мэдэхгүй хүн үгүй байх. Судалгаагаар бол хосууд хэр их инээлдэж байна, төдий чинээ тэр 2 жаргалтай байна гэсэн байдаг. Тиймээс үргэлж бие биенийгээ инээлгэж, урам өгч байгаарай.

 

Маргаан болон хэрүүл нь эрүүл харилцааны салшгүй нэг хэсэг юм. Тиймээс та 2 хэзээ нэг өдөр маргалдана гэдгийг мэддэг байх ёстой. Бусдад амьдралаа дэлгэн хажууд нь маргалдах нь хамгийн бүдүүлэг учир хүнгүй, тайван газар асуудлыг тайван шийдэж сур.