Эрх баригч МАН-ын рейтинг судалгаагаар 20 хувьд хүрэхгүй болсоор даруй гурав дахь жилийнхээ нүүрийг үзэж буй. 2020 оны сонгууль ойртсон энэ үед намынх нь рейтинг яагаад ч нэмэгдэхгүйг ойлгосон гишүүд тойрогтоо шууд мөнгө тараах ажилд шуурхайлан орсон байна.

Тодруулбал, УИХ-ын гишүүн Б.Чойжилсүрэн тойргийнхоо буюу Увс аймгийн иргэдэд хадгаламжийн дэвтэр нээж өгчээ. Өмнө нь улс төрчид цагаан сарын календарь, боов, жаазтай зураг үсрээд бетон болон 20.000 төгрөг тараадаг байсан бол Чойжоо гишүүн энэ түвшинг ахиулж “Голомт” банкны хадгаламжийн дэвтэр тарааж эхэлсэн байна.

Хамгийн хачирхалтай нь иргэд өөрсдийгөө хадгаламжтай гэдгээ мэдээгүй явахад регистерийн дугаарыг нь ашиглан ийн 50 мянган төгрөгний хадгаламжийн дэвтэртэй болгожээ. Тойргынхоо иргэдийг хадгаламжийн “дэвтэржүүлэх” энэхүү сонгуульт үйл ажиллагаагаа тэрбээр аль хоёрдугаар сарын 20-ноос дөрөвдүгээр сарын 18-нийг хүртэл хийсэн нь түүний нээж өгсөн дэвтэрүүдээс тодорхой харагдана.

Сонгогчын саналыг худалдан авах энэ башир зальт үйл явцаа ч тэрбээр бахдалтай нь аргагүй сэтгүүлчид нотлон ярьсан удаа ч дүрс бичлэгт үлдсэн байдаг юм. Түүнээс хадгаламжийн дэвтэрүүд ямар учиртай болохыг асуусан сэтгүүлчийн асуултад тэрбээр “Голомт банк хуримтлалын үндэсний хөтөлбөр хэрэгжүүлсэн юм билээ.

Түүнээс би хадгаламж нээж хөгшчүүлд цагаан сарын бэлэг болгон явуулсан. Хичнээн хүнд явуулснаа санахгүй байна” хэмээн хээв нэг хариулсан нь бий.

[video=]

Сонгуулийн хуулиар бол сонгогчдын саналыг худалдан авах, авах гэж оролдох нь ТАВАН жил хүртэлх хугацаатайгаар хоригдох ялтай байдаг. Уншигчид санаж байгаа бол үүнтэй төстэй асуудлаар Б.Чойжилсүрэн гишүүн өмнө нь нэг туслахаа аавын хаалга татуулж байсан удаа ч бий.

Нөгөө талаар хэрэв жирийн хэн нэгэн “Голомт” банкин дээр очоод өөр хүнд хадгаламжийн дэвтэр нээлгэх гэвэл яагаад ч нээж өгөхгүй. Ийм байхад УИХ-ын гишүүнд давуу эрх олгож “хадгаламжтай болгосон хүмүүсийнхээ тоог санахгүй болтол нээж өгөв” гэдэг нь хачирхалтай.

Иймээс хэн нэг улс төрч тойргийнхоо сонгогчыг худалдан авч буй энэхүү хууль бус үйл ажиллагаанд “Голомт” банк оролцох нь хэр ёс зүйтэй үйлдэл вэ. Д.Дорлигжав Т.Ганболд нарын хооронд үүссэн 4 сая.ам долларын асуудалд ч “Голомт” банкны нэр өдгөө ч хавчуулагдаж яваа. Учир нь Д.Дорлигжавын дүүг мэдээгүй байхад дансаар нь 2 сая доллар ороод гарчихсан гэх маргаантай асуудалд цэг тавигдаагүй үргэлжилж байгаа билээ.

МАН өмнөх сонгуулиар төрийн эрхийг 60 тэрбумаар хувиарлан зарж, хууль бусаар төрийн эрхийг авсанаа хүлээн зөвшөөрч байсан удаатай. Энэ удаа банкны дэвтэр тарааж 2020 онд дахин төрийн эрхийг хууль бусаар авахаар зэхэж байгаагийн нэг нь дээрх үйл ажиллагаа гэдгийг нотлон харуулж байна.

ЭХ СУРВАЛЖ:ISEE.MN

URL: http://www.choibalsan.mn/index.php?newsid=31334