Үйлдвэр хөдөө аж ахуйн яамны Төрийн нарийн бичгийн дарга Х.Золжаргал өчигдөр Засгийн газрын 11-11 төвд ажиллаж, иргэдийн сонирхсон асуултанд хариулт өглөө.Тэрбээр хаврын тариалалт, мал төллөлт, нөөцийн мах, арьс ширний үйлдвэрлэлийн талаар мэдээлэл өгсөн юм.Энэ жил улсын хэмжээнд 16.1 сая мал төллөж, 16 сая төл хулээж авсан байна. Мөн өнгөрсөн намар 14.546 мянган тонн мах нөөцөлснөөс 9200 тонныг борлуулжээ. Наадам хүртэл махны нөөц хангалттай гэсэн юм. Тэрбээр "Уламжлатт мал аж ахуйн салбараас гадна мах, сүү, ноосны чиглэлийн үүлдэр угсааны малын эрчимжсэн аж ахуйг түлхүү дэмжих бодлого баримталж байгаа

Хөнгөн үйлдвэрийн салбарт ноос, ноолуур, сүү, сүүн бүтээгдэхүүн, ферм, хүлэмжийн аж ахуйд зориулж 270 тэрбум төгрөг, арьс ширний үйлдвэрлэлд 140 тэрбум төгрөг батлагдсаныг олгож эхлээд байгаа. Малчдыг эдийн засгийн мэдлэгтэй болгоход анхаарч, түүхий дамжуулан борлуулдаг болсон. Малчдын бүх гүйлгээ тухайн хүний "Малчин данс"-аар дамжин хийгдэх бөгөөд ингэснээр бүх төрлийн зээл, хөнгөлөлтөд хамрагдах боломж бүрдэнэ" гэдгийг хэлж байв.

Б.ДОЛГОР

URL: http://www.choibalsan.mn/index.php?newsid=3157