2018 оны 2 дугаар ээлжээр хугацаат цэргийн албанд татагдсан Сүхбаатар аймгийн Эрдэнэцагаан сумын Хилийн 0146, Сүхбаатар аймгийн зэвсэгт хүчний 338-р анги, Улаанбаатар цэргийн хүрээний анги нэгтгэлүүдээс халагдан ирж буй залуус Монгол дайчдын хөшөөнөөс дуутай жагсаалаар алхаж аймгийн Хөгжимд драмын театрт угталт ёслолын үйл ажиллагаанд оролцлоо. Халагдан ирж буй цэргүүдээ угтан авах ёслолын үйл ажиллагаанд Батлан хамгаалах газрын дарга бөгөөд аймгийн Засаг дарга М.Бадамсүрэн, Цэргийн штабын дарга Дэд хурандаа О.Ганзориг, Цэргийн гавьяаны одонт Хилийн 0146 дугаар ангийн захирагч Хурандаа П.Мөнхбаатар нар мэндчилгээ дэвшүүлэн үг хэллээ. Энэ үеэр Хөдөлмөр халамжийн үйлчилгээний газраас цэргийн албанаас халагдан ирсэн дайчдад хөдөлмөр эрхлэлт, шинээр гарсан болон сул ажлын байрны талаарх мэдээллийг өглөө.