Сүүлийн хэдэн сард эдийн засгийн халалт буюу инфляци бидний амьдралд бодитойгоор нөлөөлж, илт мэдрэгдэх боллоо. Өнөөдөр Монголбанкны мэдээгээр суурь инфляци буюу өргөн хэрэглээний бараа, бүтээгдэхүүний үнэ өнгөрсөн оны мөн үеийнхтэй харьцуулахад 12 хувийн өсөлттэй байна.
2009 оны хямралын үеэр суурь инфляци 30 гаруй хувьд хүрч байсан ч тэгтлээ иргэдийн амьдралд хүндээр тусч, амьдралд дарамт учруулаагүй гэдгийг учир мэдэх хүмүүс ярих юм билээ. 2012 онд 1338 төгрөг байсан ам.долларын ханш өнөөдөр 1823, БНХАУ-ын юань 206 байсан бол 291 болж чангарсантай холбоотойгоор бараа бүтээгдэхүүн болоод бүхий л үйлчилгээний үнэ нэмэгдсээр байна.
Манай аймгийн тухайд иргэдийн өдөр тутмын өргөн хэрэглээний бараа бүтээгдэхүүн болох талх 100 төгрөг, махны үнэ кг нь 500-1200 төгрөг, цагаан будаа 600 төгрөг, ургамлын тос доод тал нь 500 төгрөг, хүнсний ногоо 300-800 төгрөг, АИ-80 1 50 төгрөг, А-92 70 төгрөг, Дизель түлш 90 төгрөгөөр өсчихөөд байна. 10000 төгрөгөнд 1кг мах, ганц талх л авч байна. Иргэдийн сарын цалин хоол хүнснээсээ илүү гарахааргүйн дээр хүнсний гол нэрийн барааны үнэ долоо хоног тутамд өсч байгаа нь таатай явдал язв ч биш.

---