Зэвсэгт хүчний Жанжин штабын Агаарын
довтолгооноос хамгаалах цэргийн командлагч асан, баригадын генерал
Т.Дашдэлэг нарт холбогдох хэргийг өнөөдөр Дээд шүүхэд хэлэлцэнэ.Уг хэргийг Дүүргийн эрүүгийн хэргийн анхан шатны I шүүхэд энэ оны нэгдүгээр сард хэлэлцэж, анхан шатны шүүхээс Т.Дашдэлэгт 3.5 жилийн хорих ял, н.Бямбаноровт 7.1 жил, н.Сэргэлэнбаатарт 5.1 жилийн хорих ялыг жирийн дэглэмтэй хорих ангид эдлүүлэхээр шийдвэрлэсэн. Тэдний өмгөөлөгчид давж заалдах шатны шүүхэд хандсан ч анхан шатны шүүхийн шийдвэрийг хэвээр үлдээсэн.
Харин давж заалдах шатны шүүхийн шийдвэрийг тэдний өмгөөлөгчид нь эсэргүүцэж, Дээд шүүхэд хандсан юм. Т.Дашдэлэг нарыг албан тушаалаа урвуулан ашиглаж, бусдын эд хөрөнгийг завшиж үрэгдүүлсэн хэрэгт буруутай болохыг тогтоосон билээ.
Зэвсэгт хүчний жанжин штабын Агаарын довтолгооноос хамгаалах цэргийн командлагч асан, баригадын генерал Т.Дашдэлэг нарыг Эрүүгийн хуулийн 264.2 буюу бусдын эд хөрөнгийг завшиж үрэгдүүлсэн, 150.3 буюу албан тушаалаа урвуулан ашигласан хэрэгт буруутгаж байгаа юм.
Одоогоор Т.Дашдэлэг нар ШШГЕГ-ын харъяа хорих 461 дүгээр ангид хоригдож байгаа.
URL: http://www.choibalsan.mn/index.php?newsid=3356
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих