Өнөөдөр Монгол Улсын Ерөнхийлөгч Ц.Элбэгдорж УИХ-ын гишүүн, МоАХ-ы дарга Х.Баттулгыг өөрийн албан өрөөндөө дуудаж уулзлаа.
 Х.Баттулга Монгол улсын Үндэсний Аюулгүй байдлын үзэл баримтлал, Үндсэн хуулийг илтэд зөрчсөн, Монголчуудыг хагалан бутаргасан агуулгатай захиалгат нэвтрүүлэг бэлтгэж, цацан, олон нийтийг өдөөн турхирах болсон.
Уулзалтын үеэр  Ерөнхийлөгч энэ асуудлыг хөндсөн бөгөөд : " "100 чухал сэдэв" нэвтрүүлгийг олон хүн үзлээ.

Гурван янзаар хүлээж авах шиг боллоо. Хөгшчүүд, ахмадууд бухимдаж, залуус шууд хүлээн авч байна. Учрыг нь мэдэхгүй зарим хүн яаж хүлээн авсныг бол мэдэхгүй нь. Уг нь үндэсний эв нэгдэл, тусгаар тогтнол гэх сэдвүүдээр улс төр хийж болдоггүй. Ингээд нэг хэсэг нь захиалгат нэвтрүүлэг хийж, нөгөө тал нь өөрсдийгөө өмөөрч, хариу нэвтрүүлэг хийгээд байх хэрэг үү. Иргэд талцаад зодолдоод эхэлбэл хэн салгах юм, УИХ-ын гишүүд очиж салгах уу...

...Улс төрд сайн соёл төлөвшиж байсныг өөрөө эвдэж байна. Захиалгат нэвтрүүлэг бүхэн үнэн байдаггүйг бид мэднэ. Үзэл бодол нь төлөвшөөгүй хүүхэд залуус үзэж харж байгааг ойлгох хэрэгтэй. Телевизийн дэлгэц, айлын хойморт цус шинжлээд сууж болохгүй. Зарим нь бодож болох юм, ганц нэвтрүүлэг хийгээ л биз гэж. Гэвч ийм биш юм. Үр дүн нь эерэг биш юм" хэмээн хэлэв.
Энэ үеэр Х.Баттулга гэгч хөмсгөө зангидан суусаар гарч одсон юм.

Х.Баттулга Ерөнхийлөгч Ц.Элбэгдоржийн зэмлэл, анхааруулгийг хүлээж авах болов уу?

[100 чухал сэдэв] - Шинэ төмөр зам

URL: http://www.choibalsan.mn/index.php?newsid=3637